Yekemîn neştergeriya dil li Nexweşxaneya Çav û Dil ya li Rojawa hate encamdan

Tîmeke pizîşkî ya Herêma Kurdistanê bi mebesta pêşkêşkirina hevkariya tendirûstî û encamdana neştergeriyê li rêkefta 17.01.2021 gihîştin Qamîşlo ya li Rojavayê Kurdistanê.

Ev tîma pizîşkî bi hevkariya Dezgeha Xêrxwaziya Barzanî gihîştin Qamîşlo û piştî rêxistina amêrên pizîşkî û amadekariyan yekem neştergeriya guherîna boriyên dil bi serkeftî hate encamdan.

Di dema vê serdanê da 4 neştergeriyên dil bi serkeftî hatin encamdan û rahênanê bi karmend û pizîşkên Qamişlo kirin.

Wezîrê Tendirûstiya Rojava û Birêveberê Nexweşxaneya Dil û Çav berdewam palpiştê tîmê bûn û bi wê hevkariya tîma pizîşkiya neştergeriya dil ya Herêma Kurdistanê gelek xweşhal bûn.

Ev tîma ji pênç pizîşkên pîspor pêkhatibû û piştî 9 rojan vegeriyan Herêma Kurdistanê û li dawiya erkên xwe da ji aliyê Wezîrê Tendirustiya Rojava ve li rêwresmek da rêzgirtinnameyan pêşkêşî wan kirin.

Share on facebook
Facebook
Share on email
Email
Share on twitter
Twitter
Share on linkedin
LinkedIn
Share on pinterest
Pinterest