بە بۆنەی ڕۆژی جیهانیی نیشتەجێبوون (World Habitat Day)، کە ئەمساڵ لە 5ی ئۆکتۆبەرە، دەزگای خێرخوازیی بارزانی جەخت لەوە دەکاتەوە کە نیشتەجێبوونی شایستە بنەمای کەرامەت، ئاسایش و دەرفەتەکانی ژیانە.
دەزگای خێرخوازیی بارزانی، لە ڕێگەی سێکتەری شێڵتەر و دابینکردنی شوێنی نیشتەجێبوون، بەردەوامە لە جێبەجێکردنی پڕۆژە و هەنگاوی کرداری بۆ دابینکردنی پەناگه و نیشتەجێبوونی شایستە بۆ ئاوارە و پەنابەران و خێزانە کەمداهات و نیازمه‌نده‌كان.
بۆیه ده‌زگای خێرخوازیی بارزانی، له چوارچێوه‌ی چه‌ند پڕۆژه‌یه جیاوازدا، هه‌وڵی داوه یه‌كه‌ی نیشته‌جێبوون بۆ خه‌ڵكی هه‌ژار و كه‌مداهات دابین بكات، دیارترین پڕۆژه‌كانیش بریتین له:
* پڕۆژەی نووژین
لە چوارچێوەی ئەم پڕۆژه‌یەدا، خانوو به ته‌واوی كه‌لوپه‌لی ناوماڵه‌وه بۆ خێزانە هەژار و کەمداهاتەکان لە ناوچە جیاوازەکانی هەرێمی کوردستان دابین دەکرێت، تا ماڵەکانیان بگۆڕدرێن بۆ شوێنێکی ئارام، پارێزراو و شایستە بۆ ژیان.
*دابینکردنی یه‌كه‌ی نیشته‌جێبوون بۆ بنەماڵەی شەهیدان لە دهۆک
لە چوارچێوەی وەفاداری بە خوێنی پاکی شەهیدان، دەزگای خێرخوازیی بارزانی یه‌كه‌ی نیشتەجێبوونی هاوچەرخی بۆ کەسوکاری شەهیدان دابین كرد، بۆ ئەوەی ژیانێکی ئاسوودەتر و سەربەرزانەتر بۆیان دەستەبەر بکرێت.
*پڕۆژەی شوقەکانی بنەسڵاوە
پڕۆژه‌کە ئامانجی دابینکردنی یەکەی نیشتەجێبوونی گونجاو و هاوچەرخه بۆ خێزانە کەمداهاتەکان و بەهێزکردنی بنەمای ژیانێکی ئارام و سەقامگیر هەیە.
دروستكردنی 20 خانوو لە شنگال – كۆمەڵگەی حردان و بۆرك بۆ ئەوەی ژیانێکی ئاسوودەتر و سەربەرزانەتر بۆیان دەستەبەر بکرێت.
* پڕۆژەی BCF City
دروستکردنی کۆمەڵگەیەکی نیشتەجێبوونه بە خزمەتگوزارییە بنەڕەتییەکان، وەک هەنگاوێکی کرداری بۆ کەمکردنەوەی هەژاری و دابینکردنی ژینگەیەکی تەندروست و شایستە بۆ خێزانە نیازمه‌نده‌كان.
لە ڕۆژی جیهانیی نیشتەجێبووندا، دەزگای خێرخوازیی بارزانی جەخت لە بەردەوامبوونی هەوڵە مرۆییەکانی دەکاتەوە بۆ ئەوەی هەر ماڵێک تەنیا سەقفێک نەبێت، بەڵکو شوێنێک بێت بۆ پاراستنی کەرامەت و ئاسایش و پڕ بێت له هیوا و ئومێد.
دەزگای خێرخوازیی بارزانی بەردەوامە لە دروستکردنی سەرپەنای شایستە، تا هیچ خێزانێک بێ‌سەرپەنا و بێ‌هیوا نەمێنێتەوە.
