Nivîsîngeha Hewlêrê ya Dezgeha Xêrxwazî ya Barzanî, bi hevkariya parêzerê hêja Sefîn Yasîn, di 01/09/2025 de li Zanîngeha Soranê, kursek li ser rêvebirina şiyan û kapasîteyan ber bi bazara kar ve ji bo xwendekarên zanîngehê vekir. Kurs dê pênc rojan bidome û di roja yekem a kursê de axaftina birêz Mûsa Ehmed, Serokê Dezgeha Xêrxwazî ya Barzanî, ji aliyê birêz Karzan Nûrî, Endamê Desteya Kargêriya Dezgeha Xêrxwazî ya Barzanî ve hate xwendin. Di axaftinê de hat tekez kirin ku hevrêziya zêdetir di navbera rêxistinên mirovî û navendên akademîk de ji bo karê hevbeş û pêkanîna projeyên hevbeş, di dabînkirina paşerojek geştir ji bo xwendekaran de xwedî rolek erênî û pir bi bandor e, bi taybetî di warê rêvebirina şiyan, karîn û kapasîteyên xwendekarên zanîngehê ber bi bazara kar ve, da ku ew bibin xwedî kar û karibin hem ji xwe re xizmetê bikin û hem jî ji civak û welatê xwe re xizmetê bikin.
Her weha birêz Dr. Şêrwan Şerîf Qûrtas, Serokê Zanîngeha Soran, di axaftina xwe de bal kişand li ser girîngiya rêvebirina şiyan û kapasîteyên xwendekaran ber bi bazara kar ve û spasiya xwe ji rêvebirên vê çalakiyê re anî ziman.
Birêz Sero Qadir, Serokê Enstîtuya Lêkolîn û Pêşketinê ya Kurdistanê û Sîtaf Aso, Rêvebira Nivîsîngeha Hewlêrê ya Dezgeha Xêrxwazî ya Barzanî, di panelekê de rêkarên rêvebirina karîn û kapasîteyên xwendekarên zanîngehê ber bi bazara kar ve ji bo beşdaran gotûbêj kirin.
