دەزگای خێرخوازیی بارزانی، بە مەبەستی پشتگیریکردن لە دەرچووانی بەشەکانی دەروونناسی و دەروونناسی کلینیکی و پەرەپێدانی تواناکانیان، هەلی خۆبەخشییەکی تایبەتی بۆ ١٥ کەس لە دەرچووانی ئەم بوارە ڕەخساندووە.
لە چوارچێوەی ئەم هەلە خۆبەخشییەدا، بەشداربووان دەرفەتی بەدەستهێنانی ئەزموونی کرداری و پەرەپێدانی تواناکانیان لە بواری پسپۆڕی خۆیان دەبێت. هەروەها یەکێک لە دەست کەوتەکانی ئەم هەلە، بەشداریکردن لە خولێکی تایبەتییە کە لەلایەن مامۆستایانی شارەزا و پسپۆڕ لەم بوارەوە بۆ بەشداربووان پێشکەش دەکرێت.
دوای تەواوکردنی خولەکە، بەشداربووان دەرفەتیان بۆ دامەزراندن و کارکردن وەک کارمەند لە سەنتەری ئیماراتی بۆ ئۆتیزم دەڕەخسێت.
مەرجەکانی بەشداریکردن:
- پێویستە تەمەنیان سەروو ١٨ ساڵ بێت.
- کاندیدانی قوتابی، سیڤییەکانیان شۆرت لیست ناکرێت.
- کاندیدانی کارمەندی حکومی یان کادری حزبی بن، سیڤییەکانیان شۆرت لیست ناکرێت.
- دەرچووی بەشەکانی دەروونناسی، دەروونناسی کلینیکی و پەروەردەی تایبەت بێت.
زانیارییەکانی هەلی خۆبەخشییەکە:
- ژمارەی خۆبەخش: ١٥ کەس
- شوێن: هەولێر – سەنتەری ئیماراتی بۆ ئۆتیزم
- ڕێکەوتی بڵاوکردنەوە: ٠٢/٠٩/٢٠٢٦
- دوا وادەی پێشکەشکردنی داواکاری: ٠٧/٠٩/٢٠٢٦
تێبینی: بەشداریکردن لەم هەلە خۆبەخشییەدا بە مانای دڵنیابوون لە دامەزراندن نییە؛ هەلی دامەزراندن دوای هەڵسەنگاندن و بە پێی ئەنجام و پێوەرەکانی دامەزراندن دیاری دەکرێت.
دەزگای خێرخوازیی بارزانی هەموو دەرچووانی بواری دەروونناسی و دەروونناسی کلینیکی و پەروەردەی تایبەت بانگهێشت دەکات کە لەو هەلە خۆبەخشییەدا بەشدار بن و هەنگاوێکی گرنگ بۆ پەرەپێدانی تواناکانی پیشەیی خۆیان بنێن
