لەسنووری سحێلاوە رۆژانە دانیشتوانی رۆژئاوای كوردستان بەهۆكاری جیاوازی سیاسی و خراپی رەوشی ئابووری شارەكانیان بەجێدەهێڵن و روو لە هەرێمی كوردستان دەكەن.
لەسەرەتای ساڵی نوێی 2022 لەسنووری سحێلا ژمارەیەك لە دانیشتووانی رۆژئاوای كوردستان كە لە خێزان و زگورد پێكهاتوون بەرەو هەرێمی كوردستان پەنابەربوون، لەكاتی گەیشتنیان لەلایەن تیمەكانی دەزگای خێرخوازیی بارزانییەوە ژەمەخۆراكی گەرم و پێداویستی ناوماڵەی وەك (دۆشەك، بەتانی، خواردن، ئاو، جلوبەرگ، پارسێلی تەندروستی و خۆراك)یان پێشكەشكراوە. لە رێككەوتی 3/1/2022 ژمارەیەكی دیكە لە پەنابەران كە پێكهاتبوون لە 53 كەس لە سنووری سحێلاوە هاتنە ناو خاكی هەرێمی كوردستانەوەو بەهەمان شێوە هاوكاری و پێداویستییە سەرەتاییەكانی ژیانیان بۆ دابینكرا.
