دەزگای خێرخوازیی بارزانی و دەزگای LDSی ئەمریکی هاوکاری خۆراکی و پارسێلی تەندرووستیان گەیاندە ١٤ خێزانی کەرەنتینەکراو لە کەمپی لەیلان یەکی تایبەت بە ئاوارە عێراقییەکان لە پارێزگای کەرکووک.
رێکەوتی ١٨/٨/٢٠٢٠ بەهۆی بڵاو بوونەوەی ڤایرۆسی کۆڕۆنا لە کەمپی لەیلان ١ی ئاوارەکان لە پارێزگای کەرکووک، دەزگای خێرخوازیی بارزانی و دەزگای LDSی ئەمریکی لەسەر داوای رەسمی رێکخراوی WFP هاوکاری خۆراکیی و تەندرووستییان گەیاندە ١٤ خێزان کە لەو کەمپەدا کەرەنتینە کراون.
ئەم چالاکییەی دەزگای خێرخوازیی بارزانی بە هەماهەنگی لەگەڵ رێکخراوی بلوماونت کە ئیدارەی کەمپی لەلیلان ١ لە ئەستۆیە بەڕێوەچوو.
