دەزگای خێرخوازیی بارزانی لە ساڵی ٢٠١٩دا

دەزگای خێرخوازیی بارزانی لە ژێر رۆشنایی وتەی بارزانیی نەمر (شانازییە بۆ مرۆڤ خزمەتکاری میللەتی خۆی بێت) کار و چالاکییەکانی لە خزمەتکردنی مرۆڤایەتی درێژە پێدا. لەم راپۆرتەدا خاڵ لەسەر گرنگترین پرؤژەکانی دەزگان لەو ساڵەدا دادەنێین.
پڕۆژەکانی دەزگای خێرخوازیی بارزانی لە سێکتەرەکانی ( خۆراکی، ناخۆراکی، هەماهەنگی، پاک و خاوێنی، تەندروستی، یارمەتی نەختێنەیی، پاراستن، پەناگە، پەروەردە، ژیانەوانی و پەرەپێدان) جێبەجێکراون، تیایاندا 4،194 چالاکی ئەنجامدراوە و 4،952،568 کەس سوودمەند بوون.
چالاکییەکانی دەزگای خێرخوازیی بارزانی لە ساڵی ٢٠١٩دا سنوورەکانی عێراقی تێپەڕاندووە و لە کۆی ژمارەی سودمەندبووان 11,800 کەس لە وڵاتی بەنگلادش و 107,048 کەس لە وڵاتی سوریا سودمەند بوون.

كردنەوەی بنكەی تەندروستی لە بەنگلادش


لە 20/ 5/ 2019 لەناو کەمپی کوتوپالۆنگی شاری کۆکس بازاڕ لە بەنگلادش بنكەیەكی تەندروستی بۆ پەنابەرەكانی بۆرما لەلایەن دەزگای خێرخوازیی بارزانی و رێكخراوی مێد گڵۆباڵ و Helpers OBAT ـەوە كرایەوە. كە بەهۆی پەڕاگەندەبوونیانەوە كێشەی تەندروستی و مەترسی لەسەر ژیانی 700 هەزار پەنابەر دروستكردبوو. شایانی ئاماژەپێدانە بنكەكە لە توانایدابوو رۆژانە پشكنین و چارەسەری تەندروستی بۆ 500 نەخۆش ئەنجام بدات و بۆ ماوەی سێ مانگ بەردەوام بوو و تیایدا 11،810 كەس سوومەندبوون، لەو رێژەیە 80.1 ٪ سوودمەندبووان لە بەتەمەنەكان بوون و هەروەها9.19 ٪ یان منداڵ بوون.

پێشوازیكردن لە پەنابەرانی رۆژئاوای كوردستان


بەهۆی بەردەوامی نائارامیەكانی رۆژئاوای كوردستان و هێرشەكانی سوپای توركیا بۆ سەر باكووری سوریا لە 15/ 10/ 2019 شەپۆلێكی تری پەنابەران روویان لە هەرێمی كوردستان كرد كە خەڵكی شارەكانی (عەفرین، گرێ سپی، كۆبانێ، تلتەمەر و عامودا. ) بوون. ژمارەیان هەتا كۆتایی ساڵی 2019 گەیشتە 18،848 كەس كە زۆربەیان لەكەمپی بەردەڕەش لە سنووری پارێزگای دهۆك نیشتەجێ كران.
لەساتەوەختی پەنابەربوونیاندا رۆژانە لەهەردوو خاڵی سنووری (وەلیدیە – سحێلان) لەلایەن تیمەكانی دەزگای خێرخوازیی بارزانی بە پێشكەشكردنی خۆراكی ئامادە و ئاو و جلوبەرگ و پێداویستی منداڵامن پێشوازیی دەكران. لەماوەی 45 رۆژ لەكاتی گەیشتن و دوای گەیشتنی پەنابەران بە کەمپەکان توانرا 188،568 ژەمی خۆراكی ئامادە پێشكەشیان بكرێت، هەتاکوو لەرێككەوتی 1/ 11/ 2019 دەزگای خێرخوازیی بارزانی بەفەرمی بەڕێوەبردنی کارگێڕی کەمپی بەردەڕەشی وەرگرت و لەرێگەی تیمێكی راهێنراو بە پاڵپشتی پارێزگای دهۆك و كۆمیسیۆنی بااڵی پەنابەرانی سەر بە نەتەوە یەكگرتووەكان UNHCR ئەو ئەرکەی جێبەجێ کرد.

كۆنفرانسی ئاییندەی پێكەوەژیان دوای داعش


لە رۆژی جیهانی ئاشتی21/ 9/ 2019 دەزگای خێرخوازیی بارزانی كۆنفرانسی (ئاییندەی پێكەوەژیان لە دوای داعش) بە ئامادەبوونی ژمارەیەك كەسایەتی ئەكادیمی و وەزیر و پەرلەمانتاران و نوێنەرو قونسوڵخانەی وڵاتان و بەرپرسانی ئیداری و مامۆستایانی زانكۆ و نوێنەری رێكخراوەكان بەڕێوەبرد. دوای وتاری وەزیری ئەوقاف و كاروباری ئایینی، وتاری سەرۆكی دەزگای خێرخوازیی بارزانی پێشكەشكرا و پاشان دوو توێژینەوەی مەیدانی خرانەڕوو لەسەر (ئاییندەی كریستیانەكان لەعێراق) و (44 ئافرەتی ئێزدی رزگاربووی دەستی داعش)، دوای پێشكەشكردنی دوو پەنەل، پێشنیارو راسپاردەكانی كۆنفرانس پێشكەشی لایەنە پەیوەندارەكانی كۆماری عێراقی فیدراڵ و هەرێمی كوردستان و نەتەوەیەكگرتووەكان كرا.

گەیاندنی كاروانی هاوكاری بۆ سوریا
پاش دروستبوونی شەڕو ئاڵۆزییەكان و هێرشی توركیا بۆ سەر باكووری سووریا، دەزگای خێرخوازیی بارزانی توانی لەرێگەی 6 كاروانی مرۆیی كە (861) تۆن لە پێداویستی )چادر، دۆشەك، سێت مەدبەخ، دەرمان، خۆراك، كارتۆنی تەندروستی، فلتەری ئاو، بەتانی، شیر، پێداویستی پزیشكی، مافور، بالیف، كیسەی خەو و جلوبەرگ) پێكهاتبوون لەرێگەی (165) بارهەڵگری گەورە بگەیەنێتە شارەكانی (عامودا، قامیشلۆ، حەسەكە و كەمپی واشوكانی لە حەسەكە) لەرۆژئاوای كوردستان. هاوكارییەكان بە پاڵپشتی چەندین كۆمپانیا و رێكخراوی نێودەوڵەتی ئەنجامدران. یەكەم كاروانی هاوكارییەكان لە 15/ 10/ 2019 دەستی پێكرد و هەتا كۆتایی ساڵی 2019 گەیاندنی هاوكاری بۆ رۆژئاوای كوردستان بەردەوام بوو.

بۆ زانیاریی زیاتر لە سەر کار و پڕۆژەکانی دەزگای خێرخوازیی بارزانی لە ساڵی ٢٠١٩دا دەتوانن خوێنەری راپۆرتی ساڵی ٢٠١٩ی دەزگا بن

راپۆرتی ٢٠١٩

Share on facebook
Facebook
Share on email
Email
Share on twitter
Twitter
Share on linkedin
LinkedIn
Share on pinterest
Pinterest

پاڵپشتی ژیانێکی نوێ بکە