ناردنی خۆراک بە فڕۆکە بۆ سەر چیای شنگال ٢٠١٤

دوای رووداوەکەی ٣/٨/٢٠١٤ و گیرانی شاری شنگال لەلایەن چەکدارانی داعشەوە، سەدان خێزان ئاوارەی سەر چیای شنگال بوون، چیای شنگال لە هەموو لایەک دەورە درابوو بە چەکدارانی رێکخراوی تیرۆریستی داعش، نزیکەی ٦٠٠ منداڵ و پەککەوتە لە برسان و تینوێتی گیانیان لە دەست دا، دەزگای خێرخوازیی بارزانی لە رێگەی فرۆکەی سەربازی عێراقی کە بە هەماهەنگی حکومەتی هەرێمی کوردستان و ئەمریکا لە ٥/٨/٢٠١٤ یەکەم باری فڕۆکەی خۆراک لە رێگەی پەرەشوتەوە گەیەندرایە سەر چیای شنگال، کۆی هاوکارییەکان بریتی بوو لە ١٢٠ تۆن خۆراک و پێداویستی و لە ماوەی یەک هەفتەدا لە رێگەی شەش فرۆکەوە گەیەندراوەتە سەر چیای شنگال.