پێداویستی جەژن بۆ منداڵانی ئازیز دابین دەكرێت

لەدرێژەی پرۆژە خێرخوازییەكانی دەزگای خێرخوازیی بارزانی لەپێناو دڵخۆشكردن و فەراهەمكردنی ژیانێكی ئاسوودە بۆ منداڵانی بێباوك (ئازیزان)، بەهاوكاری كەسایەتیەكی خێرخواز جلوبەرگ و پێداویستی جەژن بۆ ژمارەیەك منداڵی بێباوك دابین دەكرێت.
رێككەوتی 18/7/2021 لەچوارچێوەی پرۆژەی چاودێریی ئازیزانی دەزگای خێرخوازیی بارزانی، بەبۆنەی جەژنی قوربانی پیرۆز، لە شاری هەولێر لە پرۆژەیەكی دیكەدا لەپێناو دڵخۆشكردنی منداڵانی بێباوك (ئازیزان) لە هەرێمی كوردستان، بەهاوكاری كەسایەتی خێرخواز (كاروان محەمەد حوسێن) ئەندام لە رێكخراوی (HilfsGruppe Eifel)جلوبەرگ و پێداویستی جەژن بۆ (65) منداڵی بێباوك لە قامیلی مۆڵی هەولێر دابین دەكرێت، كە تیایدا منداڵەكان بە ئارەزووی خۆیان جلوبەرگ و پێداویستیەكانی دیكەیان هەڵدەبژێرن.