لە میانەی کار و چالاکییەکانی (13)هەمین فیستیڤاڵی ئازادی و نەورۆز، سەرلەبەیانی رۆژی هەینی رێككەوتی 17/3/2023 لە هەولێری پایتەخت،
ماراسۆنی ئازادی و نەورۆز بەڕێوەچوو.
رێكخراوی ئەربیل ماراسۆن بۆ وەرزش و ئاشتی، بە هەماهەنگی لەگەڵ پارێزگای هەولێر ماراسۆنەكەیان رێكخست.
مەودای ماراسۆنەکە سێ کیلۆمەتر بوو، كە بە بەشداریی زیاتر لە 1000 راكەر لە بەردەم پارکی(شانەدەر)ـەوە دەستی پێ كرد. لە كۆتاییدا فەتاح تەیموور و بنار محەمەد، پلەكانی یەكەم و دوومیان لە سەر ئاستی پیاوان بەدەست هێنا. لەسەر ئاستی خانمانیش هەر یەك لە ئەمەل خزر و رێناس سیروان پلەكانی یەكەم و دوومیان بەدەست هێنا.
لەو ماراسۆنە 110 كەس لە نیشتەجێبووانی کەمپەکانی(بەحرکە، قوشتەپە و دارەشەکران) کە لەلایەن دەزگای خێرخوازیی بارزانی سەرپەرشتی دەکرێن و بەڕێوە دەبردرێن، بەشدارییان كرد، چەند كەسیشیان پلەی بەرزی ماراسۆنەکەیان بەدەستهێنا، ئەوانیش:
زەینەب جەمال حوسێن لە کەمپی دارەشەکران، پلەی سێیەم.
مالڤا غالب ئۆسۆ لە کەمپی قوشتەپە، پلەی چوارەم.
ئێڤلین لۆرەنس یوسف لە کەمپی قوشتەپە، پلەی شەشەم.
دڵدا خەتلان فەخری لە کەمپی قوشتەپە، پلەی حەوتەم.
