دەزگای خێرخوازیی بارزانی سپۆنسەری پرۆژەی درووستکردنی کتێبخانە بۆ ناوەندی چاکسازی پیاوان و ئافرەتانی سلێمانی دەکات و قۆناغی یەکەمی پرۆژەکە جێبەجێکراوە.
لەم پرۆژەیەدا ٤٥٠٠ کتێب دابین دەکرێت و لە چاکسازیی پیاوان و ئافرەتانی سلێمانیدا لە کتێبخانەیەکدا دادەنرێن و بێ بەرانبەر پێشەکشی هاوڵاتیان دەکرێن بۆ خوێندنەوە. ئەم پرۆژەیە بەناوی (بە کتێبخانەکردنی چاکسازییەکان) دەستی پێکردووە و چەند رێکخراو و کۆمپانیایەک هاوکارییان پێشکەش بەم پرۆژەیە کردووە و دەزگای خێرخوازیی بارزانی سپۆنسەری سەرەکی پرۆژەکەیە.
وابڕیارە ئەم پرۆژەیە لە پارێزگاکانی هەولێر و دهۆکیش جێبەجێ بکرێت و لە ناوەندە چاکسازییەکاندا بە مەبەستی خوێندنەوەی کتێب، کتێبخانەی مۆدێڕن درووستبکرێت.
