موسا ئەحمەد: بەڵێن دووپات دەکەینەوە کە وەفاداربین بە رێبازیی مرۆڤ پەروەری بارزانیی نەمر

بە مەبەستی بەرز راگرتنی یادی و ناوی بارزانیی نەمر و بەڵێن دووبارە کردنەوە بە درێژەدان بە رێبازی مرۆڤ دۆستی باوکی رۆحی نەتەوەی کورد، دەزگای خێرخوازیی بارزانی بە یاوەری چەندین رێكخراو و كەسایەتی حكومی  تاجە گوڵینەی لەسەر مەزاری نەمران دانا.

لە رێكەوتی 14 ی ئازار 2019 لە 116یەمین یادی لە دایک بوونی بارزانی نەمردا دەزگای خێرخوازیی بارزانی وێڕای رێکخراوەکانی (روانگە، قەندیل، دەزگای ژیان، داما، رێكخراوی LDS، فریاگوزاری ئیسلامی، مانگی سوری قەتەری و پارێزگاری موسەنا سەردانی مەزاری نەمرانیان لە بارزان کرد.  هەر لەو رۆژەدا دەزگای خێرخوازیی بارزانی لە مەزاری نەمران پێشانگایەکی تایبەت بە وێنەی چالاکییەکان و نامیلکەکانی کردەوە.

بەرێز موسا ئەحمەد سەرۆكی دەزگای خێرخوازیی بارزانی لەسەر مەزاری نەمران بەڵێنیدا بەردەوام و درێژەدەری رێبازی پیرۆزی مرۆڤ دۆستی بارزانی نەمر بن، بەڕێز موسا ئەحمەد گوتی: “ئەمڕۆ لە هەموو رۆژێک زیاتر پێویستیمان بە فەلسەفەی بارزانی نەمر هەیە ئەویش فەلسەفەی پێکەوەژیانە. نیشتمانی بارزانی نەمر بووەتە لانکەی پێشوازیی کردن لە ئاوارە و پەنابەران. بە خۆشحاڵییەوە ئێمە تێکۆشەرانی دەزگای خێرخوازیی بارزانی و رێکخراوە مرۆڤ دۆستەکان بەوپەڕی سەربەرزییەوە لە بەردەم جیهانی مرۆڤایەتیدا نموونەیەکمان پێشاندا کە مرۆڤایەتی شانازیی پێوەدەکات. ئەمڕۆ ئێمە لێرە بەڵێنی خۆمان دووپات دەکەینەوە کە وەفاداربین بەرانبەر بەم رێبازە و ئەوەی لە توانامان دابێت بیکەین لە پێناو جێبەجێکردنی ئەو ئامانجانەی بارزانیی نەمر بەدرێژایی تەمەنی بۆی تێکۆشاوە و قوربانی زۆری بۆداوە.”

دواتر پارێزگاری موسەنا بەرێز د. ئەحمەد مەنفا وتەیەكی پێشكەش كرد و گوتی: شانازییە ئێمە ئەورۆ لە سەر مەزاری گەورەترین كەسایەتین كە رێبازەكەی مرۆڤدۆستیە و هاوكاری لێقەوماوانە، ئێمە شانازی بە دەزگای خێرخوزی بارزانی دەكەین كە درێژە پێدەری ئەم رێبازەیە”.

Share on facebook
Facebook
Share on email
Email
Share on twitter
Twitter
Share on linkedin
LinkedIn
Share on pinterest
Pinterest

پاڵپشتی ژیانێکی نوێ بکە