چاره‌سه‌ر و پشكنین بۆ سه‌دان نه‌خۆشی پشت و ئێسك و دڵ و شێرپه‌نجه‌ ئه‌نجام ده‌درێت

ده‌زگای خێرخوازیی بارزانی و كۆمپانیای جیهانی پزیشكی

چاره‌سه‌ر و پشكنین بۆ سه‌دان نه‌خۆشی پشت و ئێسك و دڵ و شێرپه‌نجه‌ ئه‌نجام ده‌ده‌ن

رێككه‌وتی 21/4/2019 له‌ نه‌خۆشخانه‌ی رۆژئاوای شاری هه‌ولێر پرێس كۆنفرانسی رۆژنامه‌وانی سه‌رۆكی ده‌زگای خێرخوازیی بارزانی و نوێنه‌ری كۆمپانیای جیهانی پزیشكی سه‌باره‌ت به‌ هێنانی تیمێكی پزیشكانی پسپۆڕی وڵاتی هیندستان به‌مه‌به‌ستی ئه‌نجامدانی پشكنین و چاره‌سه‌ر به‌بێ به‌رانبه‌ر بۆ كه‌مده‌رامه‌تان. له‌ پرێس كۆنفرانسه‌كه‌دا موسا ئه‌حمه‌د سه‌رۆكی ده‌زگای خێرخوازیی بارزانی ئاماژه‌ی به‌وه‌دا، وه‌كو ده‌زگای خێرخوازیی بارزانی هه‌وڵمانداوه‌ به‌شێوه‌یه‌كی به‌رده‌وام له‌بواره‌ جیاجیاكاندا كاری خێرخوازیی و مرۆیی ئه‌نجام بده‌ین، ماوه‌یه‌كه‌ سێكته‌ری ته‌ندروستی ده‌زگاكه‌مان، سه‌رقاڵی ئه‌م پرۆژه‌یه‌ن و سوپاسی كۆمپانیای جیهانی پزیشكی كه‌ له‌م پرۆژه‌یه‌دا پاڵپشتی كرد و هه‌روه‌ها سوپاسی نه‌خۆشخانه‌ی سمسی وڵاتی هیندستان ده‌كه‌ین كه‌ به‌ كۆمه‌ڵێك پزیشكی پسپۆڕ هاوكاری ئه‌م پرۆژه‌یه‌یان كرد. ئه‌م پرۆژه‌یه‌ زیاتر له‌ 395 پشكنین كراوه‌ بۆ ئه‌و نه‌خۆشانه‌ی كه‌ نه‌خۆشی پشت و قاچیان هه‌بووه‌ له‌گه‌ڵ نه‌خۆشییه‌كانی دیكه‌ی دڵ و جومگه‌ و هتد. ناویان تۆماركراوه‌و ده‌ست به‌ چاره‌سه‌ركردنیان ده‌كرێت.

دواتر به‌رپرسی كۆمپانیای جیهانی پزیشكی تیشكی خسته‌سه‌ر پرۆژه‌كه‌و رایگه‌یاند: له‌م پرۆژه‌یه‌دا نه‌خۆشییه‌كانی دڵ و شێرپه‌نجه‌و ئه‌ژنۆ و پشت پشكنینیان بۆ كراوه‌ له‌گه‌ڵ تیشك و پشكنینی تاقیگه‌یی به‌بێ به‌رانبه‌ر ئه‌نجامدراون. زۆر سوپاسی ده‌زگای خێرخوازیی بارزانی بۆ دابینكردنی نه‌خۆش به‌بێ جیاوازی بۆ ئه‌م پرۆژه‌یه‌ كه‌ له‌ شێوه‌ی كه‌مپینێك به‌ڕێوه‌ ده‌چێت.

Share on facebook
Facebook
Share on email
Email
Share on twitter
Twitter
Share on linkedin
LinkedIn
Share on pinterest
Pinterest