شاندی دەزگای خێرخوازیی بارزانی لە بەغداد زنجیرەیەک دیداری بەڕێوەبرد

شاندێکی باڵای دەزگای خێرخوازیی بارزانی بە سەرپەرشتی بەڕێز موسا ئەحمەد سەرۆکی دەزگا لە بەغداد لە زنجیرە دیدارێکدا لەگەڵ هەریەک لە وەزیری کۆچ و کۆچبەرانی عێراق و سەرۆکی كۆمسيونى مافەكانى مرۆڤى عيراقى و وەزیری وەرزش و لاوانی عێراق کۆبووەوە.

رێکەوتی ١١/٢/٢٠١٩ بەمەبەستی تاوتوێکردنی بارودۆخی ئاوارەکان و کەمی خزمەت گوزاری و کێشەکانیان شاندێکی دەزگای خێرخوازیی بارزانی بە سەرپەرشتی سەرۆکی دەزگا لەگەڵ وه‌زیری كۆچ و كۆچبه‌رانی عێراقی به‌رێز نوفل بەهاء موسا کۆبووەوە.

له‌ دانیشتەکەدا کە له‌ ئۆفیسی وه‌زاره‌ت له‌ به‌غدا رێکخرابوو تیشك خرایه‌ سه‌ر بارودۆخی ئاواره‌كان و كه‌می خزمه‌تگوزاری و كێشه‌كانیان و بەڕێز وەزیر هه‌وڵه‌كانی ده‌زگای خێرخوازیی بارزانی لە خزمەتکردنی ئاوارەکان به‌رزنرخاند و گوتی: ده‌زگا ده‌وری باڵای هه‌بووه‌ له‌ پاراستنی ئاواره‌كان به‌ گشتی و پێكهاته‌كانی عێراق به‌ تایبه‌تی، هەروەها بڕیار درا وه‌زاره‌تی كۆچ و كۆچبه‌ران و ده‌زگا پێکەوە زیاتر کاربکەن لە کەمکردنەوە گیر و گرفتی ئاوارەکان لە کەمپەکان و دەرەوەی کەمپەکاندا.

هەر لە درێژەی دیدارەکاندا بەڕێز سەرۆکی دەزگا چاوی کەوت بە بەڕێز عەقیل ئەلمەنسوڕی سەرۆکی كۆمسيونى مافةكانى مروڤى عێراق، لە دیدارەکەدا بارودۆخی مافه‌كانی مرۆڤ له‌ عێراق و كێشه‌كانی به‌رده‌م كاری مرۆیی له‌ عێراق به‌ گشی هەڵسەنگێندرا و ‌ له‌ ماوه‌یه‌كی نزیكدا رێكه‌وتننامه‌ی پێكه‌وه‌ كاركردن له‌ نێوان ده‌زگا و كۆمسیۆنی باڵای مافه‌كانی مرۆڤ واژوو دەکرێت.

بەڕێز موسا ئەحمەد سەرۆکی دەزگای خێرخوازیی بارزانی هەر لە میانی سەردانەکەیدا بۆ بەغداد لەگەڵ بەڕیز د. ئەحمەد ئەلعەبەیدی وەزیری وەرزش و لاوانی عێراق کۆبووەوە. بەڕێز وەزیر بە شاندی دەزگای راگەیاند: ده‌زگا به‌ كاره‌ مرۆییه‌ باڵاكانی جێ په‌نجه‌ی له‌سه‌ر دڵی مرۆڤكان جێهێشت زیاتر له‌وه‌ی جێ په‌نجه‌ له‌سه‌ر لاپەڕه‌كان جێ بهێڵێ. كاره‌كانی ده‌زگا ده‌رچه‌یه‌كی گرنگ بووه‌ له‌ كه‌مكردنه‌وه‌ی ئازارو میحنه‌تیه‌كانی خه‌ڵكی عێراق.

Share on facebook
Facebook
Share on email
Email
Share on twitter
Twitter
Share on linkedin
LinkedIn
Share on pinterest
Pinterest