ناونیشانی کارکردن : خۆبەخش.
جۆری گرێبەست : گرێبەستی ماوە دیاریکراو (١ مانگ).
ڕۆژانی کارکردن: یەکشەممە تاوەکو پێنجشەممە
کاتەکانی کارکردن: ٨:٣٠ بەیانی تاوەکوو ٠٤:٠٠ دوای نیوەڕۆ
شوێنی کار: سەرۆکایەتی دەزگا/ هۆبەی وردبینی دارایی.
کرێی هاتوچۆی مانگانە : ١٥٠.٠٠٠ د.ع.، سەد و پەنجا هەزار دیناری عێراقی.
رەگەز: هەردوو رەگەز.
رێککەوتی راگەیاندن: ١١/٠٦/٢٠٢٦
دوا مۆڵەت بۆ پێشکەشکردن و ناردنی (CV): ١٤/٠٦/٢٠٢٦کاتژمێر ١٠:٠٠ بەیانی
دەربارەی هۆبەی وردبینی:
هۆبەی وردبینی چەقی دڵنیایی و بەرزکردنەوەی کاراییە لە دامەزراوەکەماندا. کارەکانمان تەنها لە وردبینی دارایی کورتمان نەبووەتەوە، بەڵکو چاودێری ڕێکارە کارگێڕییەکان و پابەندبوونی دارایی و وردبینی پڕۆژەکانیش دەکەین. سەرەکیترین ئەرکەکانی هۆبەکە ئەمانەن:
- وردبینی دارایی و تێچووەکان: پێداچوونەوە و پشتڕاستکردنەوەی خەرجیی پڕۆژە جۆراوجۆرەکان (ماددی، لۆجیستی و فریاگوزاری).
- وردبینی کارگێڕی و پابەندبوون: دڵنیابوونەوە لە جێبەجێکردنی ڕێنماییە ناوخۆییەکان و مەرجی بەخشەرە نێودەوڵەتییەکان.
- هەڵسەنگاندنی سیستمی کۆنترۆڵی ناوخۆیی: دەستنیشانکردنی خاڵە لاوازەکان و پێشکەشکردنی پێشنیاز بۆ بەرزکردنەوەی کارایی بەکارهێنانی سەرچاوەکان (وەک سوتەمەنی، چاککردنەوەی ئۆتۆمبێل و هتد).
- ئامادەکردنی ڕاپۆرتی خولی: بەرزکردنەوەی ڕاپۆرتی وردبینی هاوسەنگ بۆ سەرۆکایەتی بەمەبەستی پاراستنی شەفافییەت.
بهرپرسیاریهتیهكان:
خۆبەخشی وەرگیراو لەژێر سەرپەرشتی ڕاستەوخۆی هۆبەی وردبینیدا کار دەکات و ئەم ئەرکانەی خوارەوەی پێدەسپێردرێت:
- پیاچوونەوەی سەرەتایی بەڵگەنامەکان: هاوکاریکردن لە وردبینیکردنی پسوڵەکان، فۆرمەکانی خەرجی، و دڵنیابوونەوە لە ڕاستی و دروستی هۆکارەکانی خەرجکردن.
- ڕێکخستن و ئەرشیفکردن: پۆلێنکردن و ڕێکخستنی دۆسیە دارایی و کارگێڕییەکان بە شێوازێکی سیستەماتیک بۆ ئاسانکردنی پڕۆسەی گەڕان بەدوای زانیارییەکاندا.
- داخڵکردنی داتاکان: یارمەتیدان لە تۆمارکردن و ڕێکخستنی زانیارییە دارایی و گازی و سووتەمەنییەکان لەسەر بەرنامەی Excel یان سیستەمە ناوخۆییەکان.
- هاوکاری لە ئامادەکردنی ڕاپۆرتەکان: یارمەتیدانی ئەندامانی هۆبەکە لە کۆکردنەوەی زانیاری و ئامادەکردنی ڕەشنووسی سەرەتایی بۆ ڕاپۆرتە خولییەکان.
- پابەندبوون بە پاراستنی زانیارییەکان: پاراستنی تەواوی نهێنییەکانی تایبەت بە داتا، دۆسیە، و کارەکانی هۆبەی وردبینی و دەزگا بە گشتی.
بەهرە و توانای پێویست بۆ ئەم پلەیە:
- هەڵگری بڕوانامەی بەکالۆریۆس یان دەرچووی بەشەکانی (ژمێریاری، دارایی و بانق، کارگێڕی کار) یان بوارە پەیوەندیدارەکان.
- هەبوونی خولیا و ئارەزووی ڕاستەقینە بۆ فێربوونی بنەماکانی وردبینی و سیستەمی کۆنترۆڵ.
- پابەندبوون بە کاتەکانی کارکردن، پاراستنی نهێنییەکانی دەزگاکە، و کارکردن لەژێر سەرپەرشتی هۆبەی وردبینی.
- کارامەیی لە بەکارهێنانی کۆمپیوتەر بەرنامەکانی (مایکرۆسۆفت ئۆفیس)
سوود مەند بوون لە کاری خۆبەخشی لە دەزگای خێرخوازی بارزانی:
- لە کاتی دەمەزراندن بۆ پۆستێکی بەتاڵ وەک کارمەند لە دەزگا مافی راستەوخۆی دەبێت لە بەشداری کردنی لە پرۆسەی دامەزراندن.
- مافی بەشداری کردنی لە چالاکی،کۆر،کۆنفرانس و بەرنامەی کاری دەزگادا هەیە.
- مافی وەرگرتنی بروانامەی هەیە لە مەراسیمێکدا کە ساڵانە ٣ جار رێک دەخرێت.
- بەژداری کردنی خولی بێ بەرامبەر لەو بوارانە:
- فریاگوزاری سەرەتایی.
- راهێنانی ئاگر کوژێنەوە.
- وێنەگرتن و کاری میدیایی بۆ چالاکییەکان.
- بەرێوبردنی تیم و سەرکردایەتی.
- نوسینی پرۆپۆزال و بەرێوەبردنی چالاکی.
- کارووباری دارایی وسەرچاوەمرۆییەکان لەگەڵ زنجیرەی دابین کردن.
- کاری خۆبەخشی و گرنگی لە ژیانی رۆژانەدا.
- کۆکردنەوەی داتا و زانیاری.
تێبینی:
١ – هەموو ئەو داواکارییانەی کە لە ماوەی( ٣ هەفتە) لە لایەن دەزگاوە پەیوەندییان پێوە نەکراوە، بە رەتکراوە دادەنرێن.
٢ – ئەو داواکارانەی لە خوارەوە ئاماژەی پێدراوە راستەوخۆ لەناو پڕۆسەی شۆرت لیست کردن دەردەهێندرێن و ناتوانن کار بکەن لەگەڵمان:
- ئەگەر تەمەنی لە 18 ساڵ کەمتر بوو.
- ئەگەر مەرجە سەرەکییەکانی بڵاوکراوە لە ڕاگەیاندنەکەی تیادا نەبوو.
- ئەگەر کارمەندی حکومی یاخود کادری حزبی بێت.
