لهچوارچێوهی سێكتهری پهروهردهدا دهزگای خێرخوازیی بارزانی جلوبهرگ و پێداویستی خۆپارێزی پێشكهشی 400 قوتابی پهنابهر له ناحیهی پیرزین دهكات.
رێككهوتی 2/12/2021 دهزگای خێرخوازیی بارزانی لهچوارچێوهی سێكتهری پهروهرده، له پرۆژهیهكی نوێدا لهشاری ههولێر، هاوكاری پێشكهش به قوتابیانی پهنابهر لهناحیهی پیرزین دهكهن، لهو ههڵمهتهدا ههر قوتابیهك پاكێجێكی جلوبهرگ و پێداویستی خۆپارێزی له ڤایرۆسی كۆرۆنایان پێشكهشكرا.
لهو بارهیهوه، موسا ئهحمهد سهرۆكی دهزگای خێرخوازیی بارزانی رایگهیاند: ئێمه بهردهوام دهبین له خزمهتكردنی چین و توێژی قوتابیان بهبێ جیاوازی و بهپێی تواناكانمان خزمهتیان دهكهن. لهو میانهشدا ئهمڕۆ له ناحیهی پیرزین قوتابخانهی (ژینیار)ی بنهڕهتی بەسەرکرایەوە، كه تیایدا 400 قوتابی پهنابهر دهخوێنن. جلوبهرگ و پێداویستی خۆپارێزیمان پێشكهش كردن.
