به‌رانبه‌ر ئه‌و خزمه‌تانه‌ی له‌ماوه‌ی شه‌ش ساڵی رابردوودا به‌هاوبه‌شی له‌گه‌ڵ ده‌زگای خێرخوازیی بارزانی پێشكه‌شی ئاواره و په‌نابه‌ران و منداڵانیان كردووه، ده‌زگای خێرخوازیی بارزانی له‌ستایشی كاره‌كانیاندا رێزلێنانی تایبه‌تی پێشكه‌ش به سه‌رۆكی رێكخراوی ئه‌غسان ئه‌لكرمه ده‌كات.
رێككه‌وتی 1/12/2021 به‌ڕێز (موسا ئه‌حمه‌د) سه‌رۆكی ده‌زگای خێرخوازیی بارزانی پێشوازیی له سەرۆکی رێكخراوی (Vine Branches) ئه‌غسان ئه‌لكرمه و شاندی یاوه‌ری كرد.
له‌دیداره‌كه‌دا هه‌ردوولا تیشكیان خسته‌سه‌ر بارودۆخی ئاواره و په‌نابه‌ران له‌نێو كه‌مپه‌كانی هه‌رێمی كوردستان و چۆنێتی زیاتركردنی هاوكاری و یارمه‌تییه‌كان بۆیان به‌تایبه‌تی له وه‌رزی زستاندا، كه پێویستیه‌كی زۆریان به پێداویستی هه‌یه و ئاوڕلێدانه‌وه‌ی زیاتریان ده‌وێ. هاوكات له‌به‌رانبه‌ر ئه‌و به‌خشش و هاوكارییانه‌ی پێشكه‌شی ئاواره و په‌نابه‌رانیان له‌هه‌رێمی كوردستان به‌هاوبه‌شی له‌گه‌ڵ ده‌زگای خێرخوازیی بارزانی ئه‌نجامیانداوه‌و كاریگه‌ری زۆر باشی هه‌بووه له خزمه‌تكردنیان، له‌لایه‌ن سه‌رۆكی ده‌زگای خێرخوازیی بارزانییه‌وه رێزلێنانی تایبه‌ت پێشكه‌ش به شاندی میوان كرا.
