دەزگای خێرخوازیی بارزانی و كۆمەڵەی فریاگوزاری كوەیتی هاوكاری خۆراكی 7 پارێزگا دەكەن

ساڵانە دەزگای خێرخوازیی بارزانی و قونسوڵگەری دەوڵەتی كوەیت لە هەرێمی كوردستان لەڕێگەی رێكخراوە خێرخوازییەكانی وڵاتی كوەیتەوە پرۆژەی جۆراوجۆری خێرخوازیی و مرۆیی لە هەرێمی كوردستان بۆ خەڵكی خۆجێی و ئاوارە و پەنابەران لەناو كەمپەكاندا ئەنجام دەدەن. ئەم پرۆژانە كاریگەری زۆر باشی لەسەر باشتركردنی رەوش و گوزەرانی سوودمەندان دروستكردووەو جێگەی ئومێدە. دەزگای خێرخوازیی بارزانی بەسپۆنسەری قونسوڵگەری دەوڵەتی كوەیت لە هەرێمی كوردستان و كۆمەڵەی فریاگوزاریی كوەیتی، پرۆژەی دابەشكردنی (7100) پارسێلی خۆراك لە شارەكانی (كەركووك، نەینەوا، هەولێر، دیالە، دهۆك، سلێمانی، هەڵەبجە و بەغدا) جێبەجێ دەكەن.
سەبارەت بە پرۆژەی دابەشكردنی (7100) پارسێلی خۆراك، كە دەزگای خێرخوازیی بارزانی بەسپۆنسەری كۆمەڵەی فریاگوزاریی كوەیتی جێبەجێی دەكەن و تیایدا (7) پارێزگای عێراق و هەرێمی كوردستان دەگرێتەوە. سەبارەت بە چۆنێتی بەڕێوەچوونی پرۆسەكە، بەڕێز ئیسماعیل عەبدولعەزیز بەرپرسی هۆبەی فریاگوزاریی لەناكاوی دەزگای خێرخوازیی بارزانی تیشكی خستەسەر ئەم پرۆژەیەو رایگەیاند: دەزگای خێرخوازیی بارزانی و كۆمەڵەی فریاگوزاریی كوەیتی ساڵانێكی دوور و درێژە بەسوپاسەوە لەگەڵ رێكخراوەكانی دەوڵەتی كوەیت شانبەشانی یەكتری پرۆژەی خێرخوازیی و مرۆیی لەبوارە جیاوازەكاندا ئەنجام دەدەین و توانیومانە خزمەتێكی بەرچاو لە دانیشتوانی هەرێمی كوردستان و هەروەها ئاوارە و پەنابەرانی ناو كەمپەكاندا بكەین.
سەبارەت بە پرۆژەی دابەشكردنی (7100) پارسێلی خۆراك، بەرپرسی هۆبەی فریاگوزاری لەناكاوی دەزگای خێرخوازیی بارزانی ئاماژەی بەوەشكرد: ئەم پرۆژەیە لەچەندین شار جێبەجێ دەكرێت، لەوانە (لە پارێزگای كەركووك 1000 خێزان، نەینەوا 1000 خێزان، هەولێر 1000 خێزان، دیالە 550 خێزان، دهۆك 1000 خێزان، سلێمانی 1000 خێزان، هەڵەبجە 550 خێزان و بەغدا 1000 خێزان) سوودمەند دەبن و ئەو پارسێلەی ئامادەكراوە پێكهاتووە لە (برنج 5 كغ، ساوار 5كغ، ئارد 1كغم، شەكر1كغم، زەیت 1كغ، نیسك1كغ، چا 0.2كغ، خورما 1 كغم، دۆشاوی تەماتە 0.85كغ، ڕشتە 0.2كغ، خوێ 0.75كغ). سەرجەم هاوكارییەكان لەلایەن تیمەكانی دەزگای خێرخوازیی بارزانییەوە دابەش دەكرێت.

Previous
Next
Share on facebook
Facebook
Share on email
Email
Share on twitter
Twitter
Share on linkedin
LinkedIn
Share on pinterest
Pinterest