خۆراک و پێداویستی ناوماڵەی 812 خێزانی زیانمەندی لافاو دابین کرا


دەزگای خێرخوازیی بارزانی لە چوارچێوەی پرۆژە فریاگوزارییەکانی لەپێناو بەهاناوەچوونی زیا نمەن دانی لافاوی شاری هەولێر، بە هاوکاری لەگەڵ پارێزگای هەولێر، پێداویستی ناوماڵە و خۆراک دابەش دەکات.
رێککەوتی ١٣/١/٢٠٢٢ بەهۆی بارانی بەخوڕ و دروستبوونی لافاو لە ژمارەیەک گەڕەکی شاری هەولێر، تیمە فریاگوزارییەکانی دەزگای خێرخوازیی بارزانی دەستبەجێ دەستیان بە گەیاندنی هاوکاری کرد کە خۆی لە دابینکردنی ژەمە خۆراکی گەرم بینییەوە بۆ گەڕەکەکانی (زیلان سیتی، پیڕەش، سێبەردان، بەختیاری، بەحرکە، هەولێری نوێ و شاوەیس) کە تێیدا ١٥٠٠ کەس سوودمەندبوون و کە لافاو زیانی بە ماڵەکانیان گەیاندبوو. لە قۆناخی دووەمدا دەست کرا بە دابەشکردنی سووتەمەنی کە هەر خێزانێک 100 لیتریان پێ درا، هاوکات هەر لە درێژەی دابەشکردنی هاوکارییەکان بۆ لێقەوماوانی لافاوەکە، دەزگای خێرخوازیی بارزانی لە ڕێک کەوتی 17/1/2022 بە هاوکاری لەگەڵ ناوەندی هەماهەنگی قەیرانەکانی پارێزگای هەولێر و گرووپی کۆمپانیاکانی گەلیاوە، هەستا بە دابەشکردنی (سۆپا، بەتانی، دۆشەک، خۆراک، مافوور، تەباخ و جلوبەرگ بۆ (281) خێزانی زیانمەند لەو گەڕەکانەی کە لافاو زیانی پێ گەیاند بوون.

Facebook
Email
Twitter
LinkedIn
Pinterest