چوارەم خێوەتگەی پەرەێدانی مرۆیی كۆتایی هات

دكتۆر عادل باخەوان: هەرێمی كوردستان خاكی نەتەوەكانە و خاكی پێكەوەژیانە.
بەرێز بەختیار ئەحمەد: ئەم خیوەتگەیە لە شوێنێكی تایبەت كراوە كە جیاوازە لە شوێنی هاوشێوەی ئەم جۆرە كۆروكۆبونەوانە.
بەرێز غەفور ئەحمەد مەلا سواری: نەریتی پێكەوژیان و رێزگرتن لە ئافرەت و ژینگەپارێزی هەر لە سەردەمی شێخ عەبدولسەلام بارزانی بوونی هەبووە.
بەرێز موسا ئەحمەد: دەرگای دەزگای خێرخوازی بارزانی كراوەیە بۆ وەرگرتنی هەر جۆرە بیرۆكەیەك كە خزمەتی پێكەوژیان و ئاشتەوایی بكات.

بەمەبەستی پەرەپێدانی توانی كارمەندان و بەرەوپێش چونیان لە بواری پیشەیی و بەهرەكانیان، ساڵانە دەزگای خێرحوازی بارزانی خیوەتگەی تایبەت دەكاتەوە وتیایدا دەیان كەس بەشداری ئەم خیوەتگەیە دەكەن، هەر لە چوارچێوەدا خێوەتگەی چوارەمی پەرەپێدانی مرۆیی كرایەوە لە رێكەوتی ( 11/ 5/2022 ) تا (16/5/2022)، وتیایدا 60 كەس بەشداری تێدا كرد.
چوارەم خیوەتگە جیاواز بوو لە خێوەتگەكانی تری دەزگای خێرحوازی بارزانی، بەوەی كە بەشداربوان لە رێكخراوەكانی هەموو عێراق بەشداریان تێدا كردبوو، لە چوارچێوەی پرۆژەیەكی تایبەت بە ناوی (پێكەوژیان و ئاشتەوایی) كە پرۆژەیەكی هاوبەشی نێوان دەزگای خێرخوازی بارزانی و رێكخراوی گەشەپێدانی مدەنیەت و سەنتەری فەرەنسی بۆ توێژینەوە لە عێراق بوو. ئەم خێوەتگەیە هەفتەیەكی خایاند و 60 كەس تیایدا بەشداریان كرد لە هەردوو رەگەز و لە ئاین ونەتەوە و زمانە جیاوازەكان لە عێراق و هەرێمی كوردستان.