شاندێكی دەزگای خێرخوازیی بارزانی هاوشان لەگەڵ شاندێكی ناوەندی هاوبەشی هەماهەنگیی قەیرانەكان لە وەزارەتی ناوخۆی حكومەتی هەرێمی كوردستان، رۆژی یەك شەممە رێككەوتی 4/12/2022 بە مەبەستی بەدواداچوون بۆ چارەسەری كەموكوڕییەكانی ناو كەمپەكانی ئاوارە و پەنابەران، سەردانی وەزارەتی كۆچ و كۆچبەرانی عێراقیان كرد و لەلایەن ئیڤان فایق وەزیری كۆچ و كۆچبەران پێشوازییان لێ كرا. لەو سەردانەدا موسا ئەحمەد سەرۆكی دەزگای خێرخوازیی بارزانی، درعی رێزلێنانی پێشكەشی ئیڤان فایق وەزیری كۆچ و كۆچبەران كرد، بە هۆی ئەوەی لە هەمبەر خزمەتكردنی ئاوارە و پەنابەران هاوكاری و هەماهەنگییان بووە.
