دەزگای خێرخوازیی بارزانی (BCF) بە هاوكاریی وەزارەتی کۆچ و کۆچبەرانی عێراق، رێككەوتی 11/1/2023 بڕی 486 کارتۆن کەرەستەی چێشتخانەی ناوماڵ و جلوبەرگی بە سەر دانیشتووانی كەمپی داودیە لە سنوووری پارێزگای دهۆك دابەش كرد. لەو چالاكییە 486 خێزان سوودمەند بوون.
هەر لە چالاكییەكی هاوشێوەدا رێككەوتی 9/1/2023 بڕی 2،564 کارتۆن کەرەستەی چێشتخانەی ناوماڵ و جلوبەرگی بە سەر دانیشتووانی كەمپی شاریا لە سنوووری پارێزگای دهۆك دابەش كرا. لەو چالاكییەش 2،564 خێزان سوودمەند بوون.
لە درێژەی ئەو زنجیرە چالاكییەدا رێككەوتی 12/1/2023 لە كەمپەكانی شێخان و ئیسیان و جەم مشكو، هەروەها رێككەوتی 15/1/2023 لە كەمپی شاریا و رێككەوتی 16/1/2023 لە كەمپی خانكێ، هەمان هاوكاری بەسەر دانیشتووانی كەمپەكاندا دابەش كران. شایانی باسە لەو پڕۆژەیە سەرجەم دانیشتووانی كەمپەكان سوودمەند بوون.
ئەو هاوكارییانە دوای ئەوە دێت، كە لە كۆتایی ساڵی رابردوودا(2022)، وەزیری کۆچ و کۆچبەرانی عێراق سەردانی دەزگای خێرخوازیی بارزانی كرد، دواتر شاندێكی دەزگای خێرخوازیی بارزانی بۆ گفتوگۆی زیاتر لە بارەی ژیان و بارودۆخی ئاوارە و پەنابەران لە كەمپەكانی هەرێمی كوردستاندا، سەردانی وەزیری کۆچ و کۆچبەرانی عێراقیان كرد.
