سەرۆك بارزانی دوای گەڕانەوەی بەشێك لە تیمە فریاگوزارییەكانی دەزگای خێرخوازیی بارزانی(BCF)، كە بە هانای زیانبەركەوتووانی بوومەلەرزەكانی توركیا و سووریا چووبوون، رێككەوتی 14/3/2023 هاوكات لەگەڵ رۆژی لەدایكبوونی بارزانیی نەمر، بە گەرمی پێشوازی لێ كردن و كار و چالاكییەكانیانی بەرز نرخاند.
هەر هەمان رۆژ هەموو ستافی دەزگای خێرخوازیی بارزانی، سەردانی مەزاری نەمرانیان لە بارزان كرد و، پەیمانی خۆیان بۆ درێژەدان بە خزمەتكردنی خەڵكی لێقەوماو و هەژار نوێ كردەوە.
