كونسووڵی یۆنان لە هەولێر(ستافڕۆس كیرمیس) و شاندی یاوەری كە پێكهاتبوون لە(ماریۆس كالیاس بەڕێوەبەری ئاژانسی پەنابەرانی یۆنانی و سۆفۆكلیس ماندەلیدیس راوێژكاری دیپلۆماسیی وەزارەتی كۆچی یۆنان)، بە مەبەستی ئەزموون وەرگرتن لە شێوازی ئیدارەدانی کەمپ، رێككەوتی 13\5\2023 سەردانی کەمپی دارەشەکران لە سنووری پارێزگای هەولێریان كرد و، لەلایەن ستاف ئاسۆ بەرپرسی ئۆفیسی هەولێر و ناز جەلال بەڕێوەبەری بەڕێوەبەرایەتیی کۆچ و کۆچبەران و وەڵامدانەوەی قەیرانەکان پێشوازییان لێ کرا.
دەزگای خێرخوازیی بارزانی(BCF) سەرپەرشتیی 35 كەمپ دەکات. لە كۆی ئەو كەمپانە 25یان بۆ ئاوارەکانە و 10 کەمپیشیان بۆ پەنابەرانە. بە گشتی 261.151 کەس لە ئاوارە و پەنابەران لەو کەمپانەدا ژیان بەسەر دەبەن.
