بەڕێزان لیو ژینیۆنگ كونسووڵی گشتیی وڵاتی چین بە وەكالەت و شاندی یاوەری، رێككەوتی 5\7\2023 سەردانی دەزگای خێرخوازیی بارزانی (BCF)یان كرد و لە لایەن بەڕێز موسا ئەحمەد سەرۆكی دەزگای خێرخوازیی بارزانی بە گەرمی پێشوازییان لێ كرا.
لەو دیدارەدا سەرەتا سەرۆكی دەزگای خێرخوازیی بارزانی وێڕای بەخێرهاتنی شاندی میوان، خۆشحاڵیی خۆیان بۆ سەردانەکە دەربڕی و کورتەیەک لە کار و چالاکیی دەزگای خێرخوازیی بارزانی بۆ شاندی میوان باس کرد.
لەلایەن خۆیەوە كونسووڵی گشتیی وڵاتی چین بە وەكالەت سەرسامی خۆی لە خزمەتەکانی دەزگای خێرخوازیی بارزانی لە بواری ئاوارە و پەنابەر و فریاگوزارییەكان دەربڕی.
هەر لەو دیدارەدا بڕیار درا، لە داھاتوو بیر و رای زیاتر ئاڵوگۆڕ بکەن بۆ خزمەتکردن بە تایبەت لە بواری پەروەردە و پەرەپێدانی مرۆیی و ھەماھەنگیی زیاتر بۆ کاری پێكەوەیی بکەن.
