دەزگای خێرخوازیی بارزانی(BCF) بە هاوكاریی دەزگای خێرخوازیی(LDS)ی ئەمریكی، لە دابەشكردنی ویلچەر و پێداویستییەكانی خاوەن پێداویستیی تایبەت بەردەوامە و لە مانگی حوزەیرانی 2023 ئەم چالاكییانەی ئەنجام دا:
لە مووسڵ و دەوروبەری، رێككەوتی 1\6\2023 ویلچەر و رەوڕەوە و عەکازەی بە سەر 61 خاوەن پێداویستییانی تایبەتدا دابەش كرد. هەروەها نوێنەرایەتیی ئامێدیی دەزگای خێرخوازیی بارزانی، رێکكەوتی 2/6/2023 لە دەڤەری ئامێدی 8 ویلچەری بە سەر 8 خاوەن پێداویستیی تایبەتدا دابەش كرد. رێکكەوتی 8/6/2023 لە كەلار 14 ویلچەر، كورسیی توالێت و گۆچان بە سەر خاوەن پێداویستیی تایبەت لە شارەكەدا دابەش كرا.
دەزگای خێرخوازیی LDS ی ئەمریکی وەک رێکخراوێکی نێودەوڵەتی کار لەسەر پرۆژەکانی خزمەت بە مرۆڤایەتی دەکات. لە ساڵی 2014 لەگەڵ دەزگای خێرخوازیی بارزانی دەستیان بە خزمەتگوزاریی مرۆیی کردووە. سەرەتای كاری پێكەوەیی و کۆمەکبەخشیی ئەم دەزگایە لە بواری ویلچەر و دابینكردنی پێداویستییەكانی خاوەن پێداویستی تایبەت بووە.
