بەڕێز موسا ئەحمەد سەرۆكی دەزگای خێرخوازیی بارزانی(BCF) رۆژی 13ی11ی2023 پێشوازی لە بەڕێز محەمەد ئەلوائیل جێگری كونسووڵی گشتیی كوەیت لە هەولێر كرد.
لەو دیدارەدا باس لە پەیوەندی و هاوكارییەكانی دەزگای خێرخوازیی بارزانی و رێكخراوە مرۆییەكانی كوەیت كرا، هەروەها دۆخی ئاڵۆزی شەڕ لە ناوچەكە و زۆربوونی ژمارەی قوربانیانی خەڵكی بیتاوان و سڤیل تاوتوێ كران و جەختیان لە یەكخستنی تواناكان بۆ رووبەڕووبوونەوەی قەیرانەكان كردەوە.
جێگری كونسووڵی گشتیی كوەیت لە هەولێر، دەزگای خێرخوازیی بارزانی بە یەكێك لە گرنگترین كارەكتەرەكانی كاری مرۆیی لە ناوچەكە لە قەڵەم دا، هاوكات بەڵێنی دووپات كردەوە كە رێكخراوەكانی مرۆیی وڵاتەكەی لە هاوكارییەكانیان بۆ هەموو عێراق و هەرێمی كوردستان بەردەوام دەبن.
