شاندی دەزگای خێرخوازیى بارزانی سەردانی (زانکۆی ئەمریکی لە کوردستان – دهۆك)یان كرد و یاداشتی لێکتێگەیشتن لەگەڵ زانکۆی ئەمریکی لە کوردستانیان واژوو كرد، كە چەند بواری جۆراجۆر لەخۆی دەگرێت.
شاندی دەزگای خێرخوازیى بارزانی(BCF) بە سەرپەرشتیی بەڕێز ئیبراهیم سەمین جێگری سەرۆكی دەزگای خێرخوازیى بارزانی، رۆژی 14ی11ی2023 سەردانی زانکۆی ئەمریکی لە کوردستان – دهۆك)یان كرد و لە لایەن بەڕێز (راندال روودز) سەرۆكی زانکۆی ئەمریکی لە کوردستان – دهۆك بە گەرمی پێشوازییان لێ كرا.
مەبەست لەو دیدارە واژووكردنی یاداشتی لێکتێگەیشتن بوو، كە لە ئەنجامدا هەماهەنگیی زیاتر لە نێوان دەزگای خێرخوازیى بارزانی و زانکۆی ئەمریکی لە کوردستان دروست دەكات، كە چەندین بوار لەخۆی دەگرێت، لەوانە: دۆزینەوەی و رەخساندنی هەلی كار، ئەنجامدانی توێژینەوەی زانستی و ئەكادیمی لە پرسەكانی كۆمەڵگە و پرۆژەكانی تایبەت بە ئاوارە و پەنابەران و باشتركردنی دۆخی ژیانیان، هەروەها چارەسەری كێشەی ئەو كەسانەی كە بە هۆكاری جیاواز لە خوێندن دابڕاون.
