دەزگای خێرخوازیی بارزانی(BCF)، رۆژی 11ی12ی2023 گەشتێكی زانستی بۆ منداڵانی ئازیز (بێباوك) و خێزانەكانیان رێك خست و سەردانی فڕۆکەخانەی نێودەوڵەتیی هەولێریان كرد.
لە گەشتەكە 37 منداڵی ئازیز و خانەوادەیان بەشدار بوون. دوای ئاشنابوون بە بەش و كەرتەكانی فڕۆكەخانە، ژەمی خواردنی گەرمی نیوەرۆیان بۆ دابین كرا، جگە لەوەی دیاری بە سەر ئازیزانی بەشداربووی گەشتەكەدا دابەش كرا، پارسێلی خۆراكیش بە خێزانەكانیان پێشكەش كرا.
دەزگای خێرخوازیی بارزانی(BCF)، لە پرۆژەكانی خزمەتكردنی زیاتر لە 13 هەزار منداڵانی ئازیز(بێباوك)، لە سێكتەرەكانی پەروەردە(دابینكردنی پێداویستیی قوتابخانە، خەڵاتكردنی یەكەمەكان، گەشتی زانستی)، دابینكردنی جلوبەرگ و پێشكەشكردنی پارسێلی خۆراكی و ناخۆراكی بەردەوامە و لە بواری تەندروستییش، تەنیا لە یەك ساڵدا تێچووی نەشتەرگەریی گەورەی بۆ زیاتر لە 25 منداڵ دابین كردووە. كە هەركامیان زیاتر لە 10 هەزار دۆلار تێچووی بووە.
