شاندێكی ئەنجومەنی نیشتمانی كوردی و پارتی دیموكراتی كوردستانی سووریا و كەسایەتییەكانی عەفرین و شاندی هۆزەكانی عەرەبی، رۆژی 10ی 2ی 2024 سەردانی (سەنتەری بارزانی بۆ رۆشنبیری و گەشەپێدان)یان كرد.
مەبەست لە سەردانی ئەو شاندە باڵایە، دەربڕینی سوپاسگوزاریی و دەستخۆشیكردن بوو لە تیمەكانی فریاگوزاریی دەزگای خێرخوازیی بارزانی، كە دوای بوومەلەرزەكەی 6ی شوباتی ساڵی رابردوو، وەكو یەكەم تیمی فریاگوزاری گەیشتوونەتە ناو شاری عەفرین و خزمەتگوزاریی جۆراوجۆریان پێشكەش بە زیانلێكەوتووان كرد.
دوای كردنەوەی ئۆفیسی دەزگای خێرخوازیی بارزانی لە ساڵی 2023، سەنتەری بارزانی بۆ رۆشنبیری و گەشەپێدان، لە عەفرین كراوەتەوە، لە رێگەی سەنتەرەكەوە خولی جۆراوجۆری پیشەیی و رۆشنبیری و فێركردن، بۆ دانیشتووانی شاری عەفرین دەكرێتەوە و خزمەتگوزاریی دیكەیان پێشكەش دەكرێت.
