پەیامی پیرۆزبایی دەزگای خێرخوازیی بارزانی بە بۆنەی هاتنی ساڵی نوێی ٢٠١٩

 دەزگای خێرخوازیی بارزانی پەیامێکی پیرۆزبایی ئاراستەی سەرجەم کارمەندان و خۆبەخشان و دۆست و پاڵپشتیکاران و رێکخراوە کۆمەکبەخشەکان دەکات و ئومێد دەخوازێت ساڵی نوێ کۆتاییهێنەری سەرجەم ئەو نەهامەتی و مەینەتییانه‌بێت کە بە هۆکارگەلێکی جیاواز بەسەر چین و توێژەکانی ناوچەکە و جیهاندا هاتوون، ئەمەش دەقی پەیامەکەیە:

 بەناوی خودای گەورە و مێهرەبان

بەبۆنەی هاتنی ساڵی نوێی ٢٠١٩ دەزگای خێرخوازیی بارزانی وێڕای پیرۆزبایی له‌ته‌واوی گه‌لانی جیهان و کوردستان هاوکات پیرۆزبایی تایبەت ئاڕاستەی کارمەندان و خۆبەخشان و ئەو کەسایەتی و خاوەن کۆمپانیا و رێکخراوە کۆمەکبەخشانە دەکات کە بە بەردەوامی لە ساڵانی رابردوودا هاوکار و هاوپیشەبوون بۆ کەمکردنەوە ئەو ئازار و ناسۆری و مه‌ینه‌تیانه‌ی بەسەر چین و توێژەکاندا هاتوون و پێكەوە توانیومانە باری سەخت و گرانی سەرشانی لێقەوماوان و ئاوارە و پەنابەران کەمتر بکەینەوە.

ئومێد دەکەین ساڵی نوێ ساڵێکی پڕ خێڕوبەرەکەت بێت و ساڵی کۆتایهاتنی نائارامیه‌كان بێت، بە تایبەتی بۆ ئاوارە و پەنابەران کە چەندین ساڵە بەهۆی نالەباری رەوشی ئەمنی شار و وڵاتیان لە ئاوارەیدا لە هەرێمی کوردستاندا دەژین و رێگە خۆشكەربێت بۆ گەڕانەوەی ئەو ژمارە زۆرەی ئاوارە و پەنابەران بۆ زێدی باب و باپیرانیان و دووبارە بتوانن دەست بە ژیانێکی نوێ بکەنەوە.

دووبارە هاتنی ساڵی نوێ پیرۆزبێت

دەزگای خێرخوازیی بارزانی

Share on facebook
Facebook
Share on email
Email
Share on twitter
Twitter
Share on linkedin
LinkedIn
Share on pinterest
Pinterest

پاڵپشتی ژیانێکی نوێ بکە