بەبۆنەی جەژنی قوربانەوە دەزگای خێرخوازیی بارزانی بە سپۆنسەری کۆمپانیای GEG بۆ رێکلام و کۆمەڵێک خێرخواز پڕۆژەی دڵخۆشی جەژنی راگەیاند و لەم پڕۆژەیدا ١٠٠ خێزانی کەمدەرامەتی هەرێمی کوردستان پێداویستییەکانی ناوماڵیان پێشکەش کرا.
رێکەوتی ١٢/٨/٢٠١٩ دووهەمین رۆژی جەژنی قوربان، ئەم هاوکارییانە کە پێکدێن لە (سەلاجە، تەباخ، موبەریدە، تەلەفزیۆن، جلوبەرگ و پانکە و …هتد) پێشکەشی هەریەک لە خێزانەکان لە پارێزگاکانی هەولێر، سلێمانی، دهۆک و هەڵەبجە کرا.
پڕۆژەکە سەرجەم پارێزگاکانی هەرێمی کوردستانی گرتەوە و ١٠٠ خێزانی هەژار و کەمدەرامەت تیایدا هاوکارییان پێشکەش کرا.
لە ناو هەولێر و شاری سۆران ٢٥ خێزان سودمەند بوون و لە سلێمانی و دەڤەری گەرمیان و رانیە و هەڵەبجە ٤٥ خێزانی دیکە هاوکارییەکانیان پێشکەشکرا، هەروەها لە سنوری پارێزگای دهۆک، لە ناو شاری دهۆک و زاخۆ و ئاکرێ ٣٠ خێزان سودمەدن بوون.
دەزگای خێرخوازیی بارزانی لە بۆنە ئاینی و گشتییەکاندا پڕۆژەگەلی جیاواز بۆ هاوکاریکردنی کەمدەرامەتان لە هەرێمی کوردستان بەڕێوەدەبات و ساڵانە هاوکارییەکانی دەگەیەنێتە ئەو چینە.
