هەوڵەکانی دەزگای خێرخوازیی بارزانی بۆ ئاشتی و پێکەوەژیان بەرز نرخێندرا

بەڕێز ئاوات مستەفا نوێنەری دەزگای خێرخوازیی بارزانی لە ئەوروپا کۆبوونەوەیەکی تایبەتی بە پڕۆگرامی ئاشتی و پێکەوەژیان لەگەڵ بەڕێز دکتۆر عەبدوڵا خاوەنی میدالیای ئیمپراتۆری شانشین OBE و سەرۆکی دەستەی ئونکس فاوندەیشن لە ویڵز و شاندی یاوەری پێکهێنا.

دکتۆر عەبدوڵا ستایشی ئەرک و کارەکانی دەزگای خێرخوازیی بارزانی کرد و هەوڵ و تێکۆشانی دەزگای لە خزمەتکردنی مرۆڤایەتی بەرز نرخاند و گوتی” لە ناوچەیەک کە جەنگ شوێنی ئاشتی گرتووەتەوە و هەڕەشە و خۆسەپاندن زاڵکراوە بەسەر ئیرادەی خەڵکدا کاری مرۆڤایەتی ئاسان نیە، بەڵام دەزگای خێرخوازیی بارزانی توانیویەتی زیاتر لە سنوورەکانی دەسەڵاتی خۆی هەوڵیداوە نەهێڵێت هەڕەشە و خۆسەپاندن باڵا دەستتر بێت”. بەڕێزیان ئاماژەیان بە خزمەتی ئاوارەکان لە کوردستان و عێراق بەبێ جیاوازیی کرد وەکوو بەڵگەیەک بۆ کارەکانی دەزگای خێرخوازیی بارزانی.

لەم کۆبوونەوە راوێژکارییەدا کاری هاوبەش لە بواری ئاشتی و میکانیزمی بەیەکەوە ژیان باس کراو و دوا لە دەزگای خێرخوازیی بارزانی‌ کرا کە سەردانی پەرلەمانی وێڵز بکات و چاوپێکەوتن لەگەڵ دەسەڵاتداران و کەسایەتییە ناسراوەکانی دەستەی راوێکاری و بۆردی پلاتفۆڕمی پێکەوەژیان لەو وڵاتەدا.

سەرۆکی دەستەی ئونکس فاوندەیشن ئاماژەی بەوەدا کە نیازیان هەیە سەردانی هەرێمی کوردستان بکەن و بۆ ئەوەی لە نزیکەوە ئەزموونی پێکەوەژیان و کارە خێرخوازییەکان لە کوردستاندا لە نزیکەوە ببینن.

Share on facebook
Facebook
Share on email
Email
Share on twitter
Twitter
Share on linkedin
LinkedIn
Share on pinterest
Pinterest

پاڵپشتی ژیانێکی نوێ بکە