دەزگای خێرخوازیی بارزانی لەسەر راسپاردەی بەڕێز مەسرور بارزانی سەرۆكی حكومەتی هەرێمی كوردستان، كاروانێكی هاوكاری زستانە دەگەیەنێتە ئاوارەكانی سەر چیای شەنگال، كە بەهۆی سەرما و بەفر بارینەوە لە بارودۆخێكی خراپدا دەژین.
رێككەوتی 23/1/2022 دەزگای خێرخوازیی بارزانی لەچوارچێوەی هەڵمەتە فریاگوزاریی و مرۆییەكانیدا، لەسەر راسپاردەی رێزدار (مەسرور بارزانی) سەرۆكی حكومەتی هەرێمی كوردستان، كاروانێكی هاوكاری كە پێكهاتبوو لە (ئارد، سووتەمەنی) بۆ 1300 خێزانی ئاوارەی سەر چیای شەنگال و دەوروبەری، كە هەر خێزانێك فەردەیەكی ئارد و 40 لیتر سووتەمەنیان پێشكەشكرا.
شایانی باسە، بەهۆی شەپۆلی سەرما و بەفر بارینەوە ئاوارەكانی سەر چیای شەنگال لە بارودۆخێكی خراپدان و پێویستیان بە ئاوڕلێدانەوەو و هاوكاری بەردەوام هەیە، دەزگای خێرخوازیی بارزانی لەڕێگەی ئۆفیسی شەنگالەوە لە خانەسۆر، بەشێوەیەكی بەردەوام هاوكاری و پێداویستیان بۆ دابین دەكات، بەڵام پێویستی بە هاوكاری زیاتری رێكخراوە خێرخوازیی و جیهانییەكانە بۆ ئەوەی لەوەرزی زستاندا بەشێوەیەكی ئارام و بێ گیرو گرفت بژین.
