دهۆک… ئامێر و پێداویستێن خۆپارێزیێ بسەر 5 نەخۆشخانەیاندا دێهێنە دابەش کرن

ب مەرەما رێگریکرن ل زێدەبوونا ڤایرۆسا کۆرۆنا (کۆڤید19) دەزگەهێ خێرخوازی یێ بارزانی ب هەڤکاری دگەل دوو رێکخراوێن جیهانی، ئامێر و پێداویستیێن تەندروستی بۆ 5 بنگەهێن تەندروستی ل سنوورێ پارێزگەها دهۆکێ دابین دکەت.
ل رێکەفتی 2/9/2021 ژبەر بەلاڤبوونا ڤایروسا کۆرۆنا (کوڤید19) لە هەرێما کوردستانێ کۆ رۆژانە ب سەدان کەس تووشی ڤێ ڤایروسێ دبن و ب دەهان کەس ژی ب ڤێ ئەگەرێ جانێ خۆ ژ دەست ددەن. ب مەرەما پڕکرنا وان کێشەیێن کو د سێکتەرێ تەندروستی دا هەی، دەزگەهێ خێرخوازی یێ بارزانی ب هەڤکاری ل گەل رێکخراوێن Sez و Badden-Wurttemberg پێکڤە د پرۆژەیەکێ گرنگ یێ تەندروستیدا ئامێر و پێداویستیێن خۆپارێزیێ ژ ڤایرۆسا کۆرۆنایێ بسەر 5 نەخۆشخانێن پارێزگەها دهۆکێ دا (ئازادی، خۆپاراستن، نەخۆشخانا ئێمێرجنسی، نەخۆشخانەیا کۆرۆنا، نەخۆشخانەیا کەمپا باجدکەنداڵا1) دا دابەشکرن.