سلێمانی… 500 كورسی خوێندن بۆ قوتابخانەیەك دابینكرا

دەزگای خێرخوازیی بارزانی ساڵانە لەسەرەتای دەستپێكی پرۆسەی خوێندن لە هەرێمی كوردستان پرۆژەی تایبەتی لەبواری پەروەردە پێشكەش بە كەرتی پەروەردە و قوتابیان و مامۆستایان لە هەرێمی كوردستاندا دەكات، لەنوێترین پرۆژەشدا بەبۆنەی ساڵی نوێی خوێندنی (2021-2022) لەڕێگەی سێ بارهەڵگرەوە 500 كورسی خوێندنی بۆ قوتابخانەی دیاری قەزازی بنەڕەتی لە پارێزگای سلێمانی دابینكرد.
رێككەوتی 16/9/2021 لەچوارچێوەی سێكتەری پەروەردەدا، دەزگای خێرخوازیی بارزانی ساڵانە كارئاسانی بۆ قوتابیان و كەرتی پەروەردە دەكات، لەساڵانی رابردوودا لەبواری دابینكردنی جانتاو پێداویستی خوێندندا هاوكاری پێشكەشی هەزاران قوتابی قۆناغی بنەڕەتی لە هەرێمی كوردستان كردووە. لەم ساڵیشدا بەبۆنەی دەستپێكردنەوەی پرۆسەی خوێندنی (2021-2022) پرۆژەی دابینكردنی كورسی خوێندنی بۆ ژمارەیەك قوتابخانە لەسنووری پارێزگای سلێمانی و هەولێر هەیە و جێبەجێی دەكات. لەو میانەشدا بەهاوئاهەنگی لەگەڵ بەڕێوەبەرایەتی گشتی پەروەردەی سلێمانی (500) كورسی خوێندنیان بۆ قوتابخای (دیاری قەزازی)ی بنەڕەتی دابینكرد.
لەوبارەیەوە سروە مستەفا بەرپرسی ئۆفیسی سلێمانی دەزگای خێرخوازیی بارزانی رایگەیاند: سەرەتا پیرۆزبایی ساڵی نوێی خوێندن لە قوتابیان و مامۆستایان دەكەین، هیوادارین ئەمساڵ پرۆسەی خوێندن بەشێوەیەكی تەندروست بەردەوام بێت. ئێمە ئەمڕۆ لەسەر داواكای بەڕێز وەزیری پەروەردەی حكومەتی هەرێمی كوردستان ئەمڕۆ 500 كورسی خوێندنمان بۆ ئەم قوتابخانەیە دابین بكەین. ئەم قوتابخانەیە تازە دروستكراوەو پێویستی بە دابینكردنی كەلوپەل و پێداویستیەكانی هەبووە، بۆیە ئێمە لە دەزگای خێرخوازیی بارزانی ئەمڕۆ ئەم هەڵمەتەمان ئەنجامدا و هیوادارین جێگەو كەلێنێكی زۆر باشی پڕكردبێتەوە.

Previous
Next
Share on facebook
Facebook
Share on email
Email
Share on twitter
Twitter
Share on linkedin
LinkedIn
Share on pinterest
Pinterest