شاندێكی وڵاتی هۆڵەندا كە پێكهاتبوون لە (جوست کلارینبیک ، نێردەی تایبەت بۆ کۆچ ، کارلۆ ویت و نیڵز درۆین ، بەرپرسانی باڵای سیاسی) رێككەوتی 17\5\2023 سەردانی کەمپی بەحركە لە سنووری پارێزگای هەولێریان كرد و، لەلایەن نوێنەری دەزگای خێرخوازیی بارزانی و كارگێڕیی كەمپەوە پێشوازییان لێ کرا.
لە کۆبوونەوەکەدا دوای وەرگرتنی زانیاری لە بارەی رەوشی كەمپەكە و خستنەڕووی خزمەتگوزارییە پێشکەشکراوەکان و ئارێشە و گرفتی دانیشتووانی كەمپەكە، شاندی هۆڵەندی سەردانی ناو کەمپ و پرۆژەکانی دەزگای خێرخوازیی بارزانی(BCF)یان لە کەمپەكە كرد، کە لەگەڵ هاوبەشەکانی ئەنجامیان دەدات. هاوكات سەردانی ژمارەیەك لە خێزانەكانی دانیشتووی كەمپەكەیان كرد و پاڵپشتیکردنی وڵاتەكەیان بۆ هاوكاری و باشتركردنی باری گوزەرانی دانیشتووانی كەمپەكە دووپات كردەوە.
