دەزگای خێرخوازیی بارزانی(BCF)، رۆژی دووشەمە رێککەوتی 25\9\2023 بەشداری لە پێشانگای هەلی کار لە زانکۆی پۆلیتەکنیکی هەولێر کرد.
پێشانگاکە لەلایەن زانکۆی پۆلیتەکنیکی هەولێر بە هاوبەشی لەگەڵ رێکخراوی خۆراکی جیهانی(WFP) رێکخرابوو، كە زیاتر لە 25 کۆمپانیا و رێکخراوی ناوخۆیی و جیهانی تێیدا بەشدارن
پێشانگاکە بە ئامادەبوونی بەڕێزان بریكاری وەزیری خوێندنی باڵا و توێژینەوەی زانستی، سەرۆكی زانکۆی پۆلیتەکنیکی و پارێزگاری هەولێر و بەڕێوەبەری نووسینگەی هەولێری دەزگای خێرخوازیی بارزانی و نوێنەری رێكخراوە و كۆمپانیاكان کرایەوە.
ئامانج لە كردنەوەی پێشانگاکە رەخساندنی دەرفەت بوو بۆ لێک نزیکبوونەوەی قوتابیان لەگەڵ کۆمپانیا و رێکخراوەکان بە مەبەستی دۆزینەوەی هەلی کار و بۆ ئەوەی بتوانن تێكەڵ بە بازاڕی كار ببن.
