دەزگای خێرخوازیی بارزانی: ئامادەین بەهانای لێقەوماوانی زەمین لەرزەی شارەكانی توركياوە بچین

لەسەر راسپاردەی سەرۆک بارزانی دەزگای خێرخوازیی بارزانی: ئامادەین بەهانای لێقەوماوانی زەمین لەرزەی شارەكانی توركياوە بچین

‏‎لە شەوی هەینی 24-1-2020 زنجیرەیەك زەمین لەرزە لە وڵاتی توركیا روویاندا و بەهۆیەوە 22 کەس گیانیان لەدەستدا و نزیکەی 1000 کەسی دیکەش بریندار بوون و زیانی گەورە بەر خانووبەرەی هاوڵاتییان کەوتووە.

‏‎دەزگای خێرخوازیی بارزانی سەرەخۆشی لە قوربانیانی زەمین لەرزەکان دەکات و هیوای زوو چاكبوونەوە بۆ برینداران دەخوازێت.
دەزگا وەکوو ئەرکی لە پێشینەی خۆی بەهەماهەنگی لەگەڵ مانگی سوری تورکی و لایەنی پەیوەندیدار لەدەوڵەتی توركیا ئامادەیە هاوكاری و فریاگوزاری خێرا بگەیەنێتە قوربانیان و خێزانە زیانمەندبووەکانی زەمین لەرزەكە و لەو نەهامەتییەی بەسەریاندا هاتووە هاوکار و پاڵپشتیان بێت.

‏‎جێگای وەبیرهێنانەوەیە، لەساڵی 2011 زەمین لەرزەیەكی بەهێز لەشاری وان روویداو بەهۆیەوە ژمارەیەكی زۆری قوربانی و ماڵوێرانی و داڕووخانی ماڵ و باڵەخانەكانی لێكەوتەوە، پاش رووداوەكە لەسەر راسپاردەی سەرۆك بارزانی، دەزگای خێرخوازیی بازانی 400 خانوی كەرەڤانەی بەسەرجەم پێداویستیەكانەوە رەوانەی شاری وان كرد و كۆمەڵگایەكی بۆ ئەو خێزانانە بونیادنا كە خانوو و ماڵیان بەهۆی زەمین لەرزەكەوە لەدەستدابوو و ئێستاش دەزگا ئامادەیە هەرچی زووتر هاوکارییە مرۆییەکانی بگەیەنێتە زیانمەندانی زەمین لەرزەکەی ئەم دواییەی شارەکانی تورکیا.

Share on facebook
Facebook
Share on email
Email
Share on twitter
Twitter
Share on linkedin
LinkedIn
Share on pinterest
Pinterest