DEZGEHA XÊRXWAZIYA BARZANÎ: EM AMADENE BI ALIKARIYA LÊQEWIMIYÊN ERDHEJA BAJARÊN TIRKIYÊ VE BIÇÎN

Li ser raspardeya Serok Barzanî Dezgeha Xêrxwaziya Barzanî: Em amadene bi alikariya lêqewimiyên erdheja bajarên Tirkiyê ve biçîn

Li şeva înê 24.01.2020 zincîreyek erdhej li welatê Tirkiyê rûda û bi wê sedemê jî 22 kes canê xwe ji destdan û nêzîkî 1000 kesên din jî birîndar bûn û ziyaneke mezin li ber xaniyên hemwelatiyan ketine.

D‎ezgeha Xêrxwaziya Barzanî serxweşiyê li qurbaniyên erdhejê dike û hêviya başbûna bi lez ji bo birîndaran dixwaze.

Dezgeh wekî erkê xwe yê pêşîn bi hemahengiyê li gel Heyva Sora Tirkî û aliyên peywendîdarên dewleta Tirkiyê amadeye hevkarî û hawarhatina bi lez bigihîne qurbaniyan û malbatên ziyanmendbûyên erdhejê û ew êşa bi ser wan da hatiye hevkar û palpiştê wan bê.

Cihê bi bîranînê ye, li sala 2011 erdhejeke bi hêz li bajarê Wanê rûda û bi wê sedemê hejmareke zêdeyê qurbanî û malwêranî û rûxana mal û avahiyan lêket, piştî rûdanê li ser raspardeya Serok Barzanî, Dezgeha Xêrxwaziya Barzanî 400 xaniyên karavane bi hemû pêdiviyên xwe ve şande bajarê Wanê û sîte û komelgehekî ji bo wan malbatan avakir ku xanî û malê wan bi sedema erdhejê ji destdabûn û niha jî Dezgeh amadeye her çi zûtir hevkariyên miroviyan bigihîne ziyanmendên erdheja vê dawiyê ya bajarên Tirkiye

Share on facebook
Facebook
Share on email
Email
Share on twitter
Twitter
Share on linkedin
LinkedIn
Share on pinterest
Pinterest