Şanda Dezgeha Xêrxwaziya Barzanî li Almanya civîneke girîng encamda

Rêkefta 04.03.2022 di dema vexwendineke fermî ya welatê Almanya, şanda Dezgeha Xêrxwaziya Barzanî ku pêkhatibûn ji birêzan Musa Ehmed Serokê Dezgeha Xêrxwaziya Barzanî û Îbrahîm Semîn Cîgirê Serokê Dezgehê û Awat Mistefa Endamê Desteya Kargêrî ya Dezgeha Xêrxwaziya Barzanî li gel birêz Rickliff Benin Berpirsê Rêgirtina li Qeyranan û Rexsandina Aramî û Aştî û pêşkêşkirina hevkariyan li Wezareta Derveya Almanya ya Federal civiyan.

Li hevdîtinê de Berpirsê Rêgirtina li Qeyranan û Rexsandina Aramî û Aştî û pêşkêşkirina hevkariyên mirovî pêşwaziyeke germ li şanda Dezgeha Xêrxwaziya Barzanî kir û li hevdîtineke dostane da behsa ewe kir ku berî pênç salan serdana wargehên Herêma Kurdistanê kirine û li nêzîk ve rewş û guzeraniya koçber û penaberan dîtiye û pesnê rola Dezgeha Xêrxwaziya Barzanî û karên wê yên xweşik kir û ragihand: We pêgeheke bihêz heye û xweşhalim bi wê pêgeha we. Her wiha birêz Rickliff Benin sozê da ku berdewam dibin li pêşkêşkirina hevkariyên mirovî yên ji bo navçeyê û amadehiyê ji bo palpiştîkirina Dezgeha Xêrxwaziya Barzanî ya ji bo encamdana projeyên mirovî nîşanda.

Li beranber da birêz Musa Ehmed Serokê Dezgeha Xêrxwaziya Barzanî spasî xelk û Hikumeta Almanya kir ji bo wan hevkariyên ku pêşkêş kirine û bi taybetî di demên derbasbûyî de ya hatina koçber û penaberan li Herêma Kurdistanê, li heman demê de bi kurtî behsa kar û projeyên Dezgeha Xêrxwaziya Barzanî yên li wê mîhvandariyê kir.

Heman demê de birêz Rickliff Benin ragihand: Ji bo hevkariyê pêşkêş bikin herdem li gel Dezgeha Xêrxwaziya Barzanî û Hikûmeta Herêma Kurdistanê li peywendiyê da dibin ku rewş û debara koçber û penaberên li Herêma Kurdistanê da baştir bikin.

 
Share on facebook
Facebook
Share on email
Email
Share on twitter
Twitter
Share on linkedin
LinkedIn
Share on pinterest
Pinterest

Nûçeya Dawî