Vekirina xulên (kursên) curbecur di nav kampên koçber û penaberan de berdewam e û tenê di meha Hezîrana îsal (2026) de, zêdetirê 600 kesî ji xulên pîşeyî, perwerdeyî, hunerî û hwd. sûdmend bûn.
Dezgeha Xêrxwaziya Barzanî (BCF), tevî nemana alîkariyên rêxistinên navdewletî yên ser bi Neteweyên Yekbûyî ve, di vekirina xulên perwerdeyî, pîşeyî, hunerî û hwd. de li nav kampên koçber û penaberan û li derveyî kampan jî berdewam e. Ev xul bandoreke berçav li ser jiyana beşdarbûyan dikin.
Dezgeha Xêrxwaziya Barzanî, her di meha Hezîrana îsal (2026) de, ji bilî vekirina xulên alîkariya yekem, hawarhatina bilez û pêşkêşkirina semînerên rûbirûbûna maddeyên hişbir ku bi hezaran kes jê sûdmend bûn, karî di xulên pîşeyî, perwerdeyî, hunerî û nehiştina nexwendewarî de 602 kesan sûdmend bike.
Xişteya (Tabloya) cih, cureyê xulê û hejmara sûdmendan:
| Cih | Cureyê Xulê | Sûdmend | Rêkeft |
|---|---|---|---|
| Kampa Kewirgosk | Fêrbûna sertraşîn (berberî) | 10kes | 3/6/2026 |
| Kampa Barike | Dirûtin û karê destî | 36 jin | 14/6/2026 |
| Kampa Darê Şekran | Zimanê Îngilîzî | 15 zarok | 15/6/2026 |
| Kampa Kewirgosk | Zimanê Îngilîzî | 18 zarok | 15/6/2026 |
| Kampa Kewirgosk | Karê destî | 11 jin | 11/6/2026 |
| Kampa Basirmê | Dirûtin | 12 jin | 17/6/2026 |
| Kampa Quştepe | Muzîk, kompîtur û nîgarkêşî | 83 kes | 21/6/2026 |
| Kampa Gewîlan | Bîrkarî (matematîk) | 12 xwendekar | 22/6/2026 |
| Amêdî | Dirûtin | 15 jin | 23/6/2026 |
| Akrê | Birêvebirina Stresê (Stress Management) | 25 karmend | 24/6/2026 |
| Dihok | Alîkariya Yekem (First Aid) | 285 karmend | 24/6/2026 |
| Kampa Akrê | Zimanê Îngilîzî | 25 xwendekar | 28/6/2026 |
| Kampa Basirmê | Semîner | 30 kes | 30/6/2026 |
| Kampa Domiz 1 û 2 | Xula pîşeyî ya kamerayên çavdêriyê | 26 kes | 28/6/2026 |
| Koma Giştî ya Sûdmendan | 602 kes | ||
Dezgeha Xêrxwaziya Barzanî ji bo encamdana projeyên xwe yên curbecur, pişta xwe bi standardên xebatên rêxistinî yên cîhanî girêdaye. Li gorî wan sektorên ku li cîhanê serkeftî bûne kar kiriye û li gel wê jî, li gorî pêdiviyên civaka me plan danîne û biryar daye ku bi awayekî berdewam li ser wan bixebite.
Dezgeha Xêrxwaziya Barzanî giringiyeke zêde bi dirustkirina binke û senterên rewşenbîrî, hunerî û pîşeyî daye, bi taybetî di kampên koçber û penaberan de. Di wan senteran de bi dehan cure xul û rahênan bo fêrxwazan tên vekirin daku bi wê rêyê bibin xwedî kar û pîşeyekî bo xwe û dahata wan a taybet hebe.
Dezgeha Xêrxwaziya Barzanî bi rêya navendên xwe yên rewşenbîrî û perwerdeyên pîşeyî, salane bi sedan xulên pîşeyî (kompîtur, dirûtin, kareba, berhemanîna xorekê, karê destî û hwd.) ji bo fêrxwazan vedike.
