HEVKARÎ GIHANDIN 1500 KESÊN ZIYAN LÊKETIYÊN LEHIYÊ LI PARÊZGEHA HEWLÊR

Bi sedema zêde baranbarînê û lehiya dû rojî ya derbasbûyî û rûxana xanî û berên li devera Balekayetî û dola Xaneqaya ser bi parêzgeha Hewlêrê ziyan li zêdetirê 1500 kesan berketiye.

Dezgeha Xêrxwaziya Barzanî îro rêkefta 28.10.2018 bi mebesta gihandina hevkariyên bi lez ya ji bo xelkê navçeyê û piştî nirxandina rewşa malbatan, dû karwanên hevkariyê gihande devera balekayetî û dola Xaneqa ya li parêzgeha Hewlêrê ku têda hevkariya 300 malbatan û zêdetirê 1500 kesan kirin.

Lehî bû sedema ruxan û wêranbûna mala hemwelatiyan û ji navçûna zeviyên çandinê ya navçeyê, birêz Îsmaîl Abdulezîz Berpirsê Beşa Hevkarî û Hatina Hawarê ya Dezgeha Xêrxwaziya Barzanî di derbarê rewşa navçeyê de got: ”Bi sedema zêde baranbarîn û lehiyê li navçeyên Balekayetî û Dola Xaneqa zêdetirê 1500 kes li ber ziyanê ketine, ku 750 kes bi bê cîh mane û nikarin vegerin malên xwe”.

Di derbarê plana Dezgeha Xêrxwaziya Barzanî ji bo bi hanaveçûna ziyanlêketiyên lehiyê birêz Îsmaîl Abdulezîz got: ”Em weku Dezgeha Xêrxwaziya Barzanî me bi zutirîn dem pêwîstirîn pêdiviyan gihande cihê lehiyê û li dû helmetan da li gor rewşa ziyanlêketiyan pêdiviyên wekî xwarin, betanî, doşek, layt, sêta metbexê û gelek pêdiviyên din ji bo xelkê dabîn dikîn”.

Devera Balekayetî û Dola Xaneqa dikevin navçeyên çiyayiyên Bakurê Rojhilata parêzgeha Hewlêrê li Herêma Kurdistana Iraqê.

Share on facebook
Facebook
Share on email
Email
Share on twitter
Twitter
Share on linkedin
LinkedIn
Share on pinterest
Pinterest

BEXŞÎNA JI BO JÎYANEKA NU