Dezgeha Xêrxwazî ya Barzanî bi hevkariya Rêxistina Gundê Aştîyê (Peace Village) ya Almanî, di 5/12/2025 de komek pêwîstiyên pizîşkî (nivînên elektrîkî û rêwrewe) ji bo mala kal û pîran li Hewlêrê dabîn kir.
Dezgeha Xêrxwazî ya Barzanî ji bilî projeyên xwe, di deh sektorên cuda de karê mirovî dike. Yek ji wan sektoran sektora tenduristîyê ye ku gelek giringî û ciddî lê hatiye dayîn û Dezgeha Xêrxwazî ya Barzanî bi hevkarî û piştgirîya xêrxwazan derman û pêwîstiyên pizîşkî ji bo navendên tenduristî, rêveberiyên tenduristî û nexweşxaneyan dabîn dike.
Di çarçoveya karê hevbeş ê Dezgeha Xêrxwazî ya Barzanî û Rêxistina Gundê Aştîyê de, di çend qonaxan de xizmetguzariyên tenduristiyê hatine pêşkêşkirin.
Di berê de, komek zarokên xwedî rewşên tenduristî yên aloz, li welatê Almanyayê hatin çareserkirin û dermankirina pêwîst wergirtin.
Di qonaxeke nû de, li bajarên Hewlêr û Dihokê ew zarok hatin destnîşankirin ku pêwîstiya wan bi dermankirina pizîşkî heye û rewşa wan dikare li nav Herêma Kurdistanê bê çareserkirin.
Di encama vê proseya de, hat karîn komek zarok bêne dîtin û li gorî rewşên wan bêne kategorîzekirin, da ku dermankirina pizîşkî werbigirin.
Dezgeha Xêrxwazî ya Barzanî, bi hevkariya Rêxistina Gundê Aştîyê ya Almanî û di çarçoveya projeya “Noringeha(Kilinika) Gerok” de, li kampên sînorê parêzgeha Dihokê, pîsporekî çareserkirin û dabînkirina derman û dermankirinê ji bo nexweşan pêk anîye.
Proje, derman û çareserkirina destpêkî ji bo kesên nexweş li wan kampan dabîn dike, ku ji navendên tenduristî dûr in, an jî navendên tenduristî yên wan dermanên kêm hene.
Her îsal Dezgeha Xêrxwazî ya Barzanî bi hevkariya Rêxistina Gundê Aştîyê ya Almanî, amûr û kelûpelên taybet ên perwerde û neştergerîya zarokên xwedî pêwîstiyên taybet ji bo Navenda Hêlîna li Hewlêrê dabîn kir.
