Li ser vexwendineke fermî ya Pizîşkên Kurdên Mezopotamya li derveyê welat li bajarê Berlînê, birêz Awat Mistefa Endamê Desteya Kargêrî û Berpirsê Karubarê Ewrupa û Amerîka ya Dezgeha Xêrxwaziya Barzanî (BCF), beşdarî li nehemîn konferansa Pizîşkên Kurdên Mezopotamya kir ku li rêkkefta 29/09/2023 heta 01/10/2023 berdewam bû.
Konferansa Pizîşkên Kurdên Mezopotamya ji çendîn doktor û pîsporên tendirustiyên Kurdên li Ewrupa pêkhatine ku çendîn sale xizmetê bi doza Kurdistanê dikin. Diyare ev konferans salane bi amadebûna pizîşk û pîsporên Kurdên hemû perçeyên Kurdistanê karên xwe her salê li welatek encam dide.
Îsal mîhvandariya taybetî Dezgeha Xêrxwaziya Barzanî (BCF) kirin bo ku aliyên xêrxwaziyê û hemahengiya di navbera komeleyên Kurdî yên li derveyê welat û Dezgeha Xêrxwaziya Barzanî bibê mijareke girîngê konferansê.
Li duyem roja konferansê birêz Awat Mistefa Endamê Desteya Kargêrî û Nûnerê Dezgeha Xêrxwaziya Barzanî li Ewrupa, gotarek pêşkêş kir û bi data û zanyariyan, behsa bandora hevkarî û hemahengiya di navbera rêxistinên Kurdistaniyan û Dezgeha Xêrxwaziya Barzanî li qeyranan kir, bi taybetî rola wan ya li rûdanên erdhejên Bakûr û Rojavaya Kurdistanê xistin rû.
Diyare amadebûna şanda Dezgeha Xêrxwaziya Barzanî li konferasê cihê dilxweşî û rizamendiya amadebûyan bû, ji bilî li gotarê, Nûnerê Dezgeha Xêrxwaziya Barzanî, birêz Awat Mistefa îdareya yek ji panêlan kir ku taybet bû bi hevkariya mirovî û hemahengiya di navbera rêxistinên mirovî li derveyê welat û Kurdistan.
